AMED - Hetê Serdozgerîya Komara ya Amedî ra derheqê hemsereka Pêroyî ya verê ya DBPyî Sebahat Tuncele de bi îdiayê ‘heqaret serekkomarî kerda’ îdianame ame amadekerdene û serrêke heta 4 serrî cezaya zîndanê ci rê ameye waştene.

 

Hetê Serdozgerîya Komara ya Amedî ra derheqê hemsereka Pêroyî ya DBPyî Sebahat Tuncele de bi îdiayê ‘heqaretê serekkomar kerda’ îdianame ame amadekerdene. Îdianeme de ame vatene ke 2016 de verê awanîya DBPyî ya Baglarî de derheqê tepiştişî hemşaredarê bajarê girdî Gultan Kişanake û Firat Anliyî de eşkerayîya protestoyî ameyo dayene û uca de Sebahat Tuncele eşkerîyeya bi nameyê  ‘Tayyîp Erdogan dişminê cinîyan o. AKP û Tayyîp Erdogan dişminê Kurdan ê...’ e…’ na muhtewaya eşkerayîye sûcê ‘hemverê serekkomarî heqaret’ awan keno.

 

Îdianameyî de ame dîyar kerdene ke Sebahat Tuncele 2ê Teşrîna peyêne 2018 de bi SEGBÎSî verê avûkatê xo Buroyê Tehqîqatê Sûcê Çapemenîye ya Serdozgerîya Komara ya Amedî de îfade daya û îfade de dîyar kerdî ke metnê ke bîyo babeta sûcî wa bi pêroyî bêro dest girewtene. Sebahate dîyar ke aye sey hemsereka pêroyî ya DBPî û sey lîderêka partîya sîyasî qisey kerda û qiseykerdişê xo de caardişê şaşî yê îqtîdarî rexne kerda.

 

Îdianeme de avûkatê Sebahat Tuncele, Şivan Cemîl Ozerî zî dîyar kerd ke îştîraqê îfadeyê muvekîla xo keno û vat, ganî na çarçewaya azadîya fikr û ramanî de bêra vînayene.

 

Dozgerî, îdianameyê ke amade kerd de derheqê Sebahate de sûcê ‘heqaretê serekkomar ameyo kerdene’ serrêke ra heta 4 serran cezaya zîndanî waşt.