AMED - 21 cinîyê ke dimayê cigêrayîşê înan ê emnîyetî qedîya û mîyanê înan de Verfeka MKGPyî û edîtora ajansê ma Ayşe Guney zî esta 11 cinî bi waştişê şertê kontorolê edlî bêrê veradayîş, sewqê dadgerîya nobedare kerdî.

 

Çarçewaya tehqîqatê Serdozgerîya Komara ya Amedî de derheqê 33 cinî ke temsîlkarê rêxistinê ko elî kerdêne de qerarê destbendkerdiş dabî. Nê 33 cinîyan ra 23 cinî 14ê Temmuze de ameybî destbendkerdene. 15 û 16ê Temmuze de zî 3 cinîyê bîn zî ameyî destbendkerdiş û hûmara cinîyan bîye 26. Nînan ra Hayrîye Turkekula 70 serrî 15ê Temmuze de bi şertê kontrolê edlî ameyebî veradayene.

 

Vizêr cinîya 57 serrî Aklîme Hanasa ke karê ci emnîyet de qedîya, Endama Komeleya Paştdayîşî bi Keyeyê Hepsîyan dir (TUAY- DER)  Rabîa Ataş, endama Meclîsê Şaredarîya Yenîşehirî ya Amedî Gulşen Guneşe û Zeynep Suncake sewqê edlîye ameyî kerdene û bi şertê kontirolê edlî serbest ameyî veradayene.

 

Ewro zî Gulseren Akkum, Edîtora Ajansê ma Ayşe Guneye, endamê Meclisê Şaredarîua Yenîşehirî Ruken Şehîr û Ronda Bat, endamê Meclisê Şaredarîya Rezanî Halîme Bayram, îdarekara BESî ya Amedî ya verê Dîlan Yakut û Guneş Ozel, Aktîvîstê TJAyî , Selma Metîn, Şukran Tamîr û Emîne Kaya bi waştişê bi şertê kontrolê edlî bêrê veradayene sewqê Dadgerîya Sulhî Ceza ya nobedar kerdî.