DÊRSIM - Rêxistina ciwanan ya Dêrsimî waşt ke semedê destdergî, tecawiz û îstismarî ke demanê peyênan de zêde bîyî rayraşîyayîşêk viraza. Labelê polîsî mudaxaleyê rayraşîyayîşî kerdî û 3 kesan destbend kerdî.

 

Rêxistina Ciwanan ya Dêrsimê waşt ke Kuçeyê Hunerî de semedê destdergî, tecawiz û îstismarî ke demanê peyênan de zêde bîyî rayraşîyayîşêk viraza û eşkerayî bida çapemenî. Temsîlkarê partîyê sîyasî û rêxistinê komelkî yê sivîlî zî tewrê eşkerayî bîyî. eşkerayîye de silogan ameyî berzkerdene û dovîz ameyî akerdene.

 

Serê nameyê ciwanan Evîn Demîre eşkerayî wende û vat ke ê do hesabê destdergî, tecawiz û îstismarî bipersî û ê do têkoşînê xo yê vera zihnîyetê tecawizkar bidomnî.

Badê eşkerayî ciwanan waşt ke rayraşîyayîş virazî. Labelê polîsî mudaxaleyê ciwanan kerd û ciwanan kuwayî. Xeylê kesî gazê îsotî vera hişê xo ra şîyî. 

 

Polîsan mudaxale de Mehmet Saglam, Yusuf Akin û Omer Faruk Karahanî destbend kerdî.