MÊRDÎN - Sereka Baskê Cinîyan ê CHPyê Mêrdînî Aygul Kiliçe dîyar kerd ke munaqeşekerdişê Pêameyîşê Stenbolî nîno qebûlkerdene û vat, wedaritişê pêameyîşî do bibo sebebê kiştişê cinîyan.

 

Munaqeşeyê derheqê wedaritişê Pêameyîşê Stenbolî de dewam kenê û reaksîyonê cinîyan zî vera nê girs benê. Sereka Baskê Cinîyan ê CHPyî ya Mêrdînî Aygul Kiliçe zî reaksîyon ramojna û vat, do destûr nêdê nê çî û wayîrê pêameyîşê Stenbolî vejîyê.

 

Aygule dîyar kerd ke rewşa ke pêameyîş bêro peyser antene do kiştiş û şîdetê serê cinîyan zî zêde bibo û vat: “Cinî têkoşînê nê çî her ca de danê. Pêameyîşê Stenbolî hetê vernîgirewtişê şîdetê serê cinîyan de pêameyîşêko girîng o. Kiştişê cinîyan welatê ma de çîyêko newe nîyo. Her ke şono kiştiş zêde beno. Amancê pêameyîşî oyo ke cinîyan vera şîdetî bipawo.”

 

‘Ma qebûl nêkenê’

 

Aygule dewam de dîyar kerd ke her menge bîlançoyê kiştişê cinîyan zêde beno û wina vat: “No pêameyîş seba pawitişê heqê cinîyan o. Rewşa antişê Pêameyîşê Stenbolî de se beno wa bibo do rewşe hîna giran bo.”

 

‘Ma cinîyê ke ameyê qetilkerdene xo vîr ra nêkerdê’

 

Aygule dîyar kerd ke her ware de reaksîyonê xo vera nê do bîyarê ziwan û wina vat: “Ganî cinî tena nêro verdene. Ma do vera nê heta peynî wareyan de bê. Ma cinîyêke zî xo vîr ra nêkerda. Ma cinîyê ke ameyê qetilkerdene xo vîr ra nêkenê. Ma do heta peynî zî têkoşîn bikerê.”