Fîlîz Zeyrek

 

EDENE - Merdimê hepsîyan ra Vesîle Çelîke dîyar kerd ke tedbîrê vera Vîrusê Koronayî nînê girewtene, hem hepsî û hem zî keyeyan mexdûr kenê û vat: “Bi serran o zîndanan de polîtîkayêk bi zanebîyayîş yeno kerdene. Nê prosesî de bi destê AKPyî xidar bi.”

 

Hepsîyo bi nameyo Hasan Çelîk ke 10 serrî hepsî yo û nika zîndanê Tîpê F yê Hacilar de maneno. Waya ci Vesîle Çelîke hem problemê ke hepsî ciwîyenê û hem zî keyeyî ciwîyenê qal kerd.

 

‘Ma problemê vurnayîşî ciwîyenê’

 

Vesîle vat, 12 serrî yo ceza birayê ci rê birnayê 10 serrî yo tepişte yo û vat: "4 serrî verê zîmdanê Kurkçulerî ra surgunî yê Kirikkaleyî kerdî. Kirikkale xeylêk dûr o. Ma zehmetîyan ancenê. Ma tena eşkenê şêrê pêvînayîşê akerdeyan. Pandemî de problemî zêde bî. Pêvînayîşî ameyî betalkerdene. Ma tena bi telefon pêvînayîş kenê.”

 

‘Hacetê pakitî nêdayî’

 

Vesîle, dîyar kerd ke pêwa ke hepsîyê sîyasî qanûnê înfazî ra feyde nêgirewtê, proses de lepik û maske zî nêdayê înan û wina vat: “Hacetê pakitî nêameyî dayene. Kolonya û maske zî teber de ameyî vilakerdene la zere de bi pere yenê dayene. Pêwa ke demêko derg nêresayî. Hepsîyê nêweşî rîsk de yê. Seba înan zî tu tedbîr nêame girewtene.”

 

‘No polîtîkayêko dewlete yo’

 

Vesîle wina vat: “Seba surgunan xeylêk keyeyî mexdûr benê. No caardişêko bêmerdimî yo. Xeylêk keyeyî nêeşkenê şêrê pêvînayîşê domananê xo. Hem hetê ekonomî de zî hem hetê manewî de însanî tesîr benê. No tedayê psîkolojîk o. No polîtîkayêko dewlete yo. No îqtîdarê AKPyî de hîna xidar bîyo.”

 

Vesîle tewr peyîn qiseykerdişê xo de dîyar kerd ke ganî heme kes vera problemê ke zîndanan de yenê ciwîyene bi hîsgêr bê û vat: “Ganî ma veng bidê, vengê zîndanan.”