AMED - Avûkata Komelaya Cinîyan a Rosa Elîf Tîrenç Îpek Ulaşe vat, operasyono ke bi komela ameyo destpêkerdene, pêl bi pêl dewam kerdo û vat: “Seba ke cinî bêrê tepiştene zî xebatêka taybet ameya kerdene. Ma veng danê cinîyan ke bi sloganê ‘têkoşînê cinî nîno muhakemekerdene’ beşdarê roniştişê bibi.

 

Çarçewaya operasyonê hemverê Komeleya Cinîyan a Rosa ame kerdene de 9 cinî ameybî tepiştiş. Yewin roniştişê dewaya sereka Komeleya Cinîyan a Rosa Adalet Kaya û endama Komeleya Remzîye Sizici 9ê temmuze de biameyne vînayene la dewa taloqê menga êlule ame kerdene.

 

Avûkata komeleya Elîf Tîrenç Îpek Ulaşe vat, operasyonê bi komela ameyê destpêkerdene pêl bi pêl dewam keno û vat: “20 cinî zêdeyêr ameyî destbendkerdene û beşêk înan ameyî tepiştiş. Komela serrêk verê ameye awankerdene. Têkoşînê vera şîdetê serê cinîyan de rolêko aktîf kay kerd. Amed de hemverê şîdetê serê cinîyan de têkoşîn pîl bi. Bi xeylêk sazgehê Tirkîya ra kewte tevger. Rosa bî vengêk. Dimayê OHALî, Rosa tîya de torrê têkoşînê bi şîdetî dir awan kerd. Na torre de 10 pêameyîşî estê.”

 

‘Demêko derg ameya taqîbkerdene’

 

Elîfe da zanayîş ke cinî seba falîyetê komele ameyî destbendkerdene û vat: “Dosya, zafê xo nê falîyetan ra yena meydan. Serê falîyetê partîya sîyasî, falîyatê STK, dosya ameyê awankerdene. Demêko derg taqîbê teknîkî û fîzîkî ameyo kerdene. Seba sebebê tepiştişê înan zêde bibê xebatêka taybet ameya kerdene.”

 

‘Tu esasê sucî nîno vînayene’

 

Elîfe dewam de dîyar kerde ke tu karê ke cinîyan kerdo suc nêhewêneno û îdianameyan de zî seba tepiştişê înan tu esasê sucî nîno vînayene, cinî bi zanebîyayîş hedef ameyê girewtene. Elîfe wina vat: “No demêko derg o Tirkîya de xoserîyê hukmî û huqûqî çîyêk nêmendo. Ma nê tehqîqatê cinîyan de dîyo. Huqûq yeno îhlalkerdene. Wazenê ters awan bikerê.”

 

‘Ma bawer kenê ke do xurt derbaz bibê’

 

Elîfe da zanayîş ke beşêke dewa, rojê roniştişê ci zelal bîyo û menga temmuze ra dima dest pêbiko û heta menga êlule û teşrîna verêne dewam bikero. Elîfe wina vat: “Seba raya pêroyî awan bibo ma do xebatêke taybet bikerê. Paştdayîş hema dewam keno. Na babete de ma bawer kenê ke do beşdarbîyayîşê roniştişî xurt derbaz bibo. Seba wayîrvejîyayîşê nê prosesî ma do kampanyêke bidê destpêkerdiş. Ma do vajê, ‘têkoşînê cinîyan nîno muhakamekerdene.’ Ma do kampanyaya serê çapemenîye bidê îlankerdene û serê çapemenîya komelî de dewam bikerê. Ma veng danê pêro kesan ke destek bidê.”