ADANA - Adana û Mersîn de xeylêk kesî ameyî destbendkerdene. Polîsan, Adana û Mersin de eşt keyeyan ser, xeylêk kesî bi derbkerdişî destbend kerdî.

 

Goreyê zanayîşanê ke ameyî girewtene çarçeweya tehqîqatêkê Serdozgerîya Komare ya Adana de Mersin û Adana de sereştişê keyeyan ameyî kerdene. Sereştişê ke bi hawayêkê hemwaxtî ameyî kerdene de bêrê keyeyan ameyî şiktene û cigêrayîşê dergî ameyî kerdene. Reyna polîsanê ke keyeyî serûbin kerdî dest na xeylêk kitab, kovar û malzemeyê dîjîtalî ser.

 

Sereştişan de xeylêk kesî ameyî destbendkerdene ke înan ra tayî raştê şîdet û tehdîtan ameyî. Ame vatene ke derheqê 17 kesan de qerarê tepiştişî esto la nêame zanayene ke çend kesî ameyî destbendkerdene.

 

Kesê ke nameyê înan ame musnayene wina yê: Sever Ûzûn, Azîz Kandemîr û Zeynep Taşgîr.