Melîke Aydin

 

MUGLA - Sereka Pêroyî ya EVEKSENî dîyar kerd ke waştişê înan o tewr girîng asayîş û teqawîtbîyayîş o û vat: “Sendîka do kesê ke keye de açernayîş kenê, kasetan goşdarî kenê û nusnenê, mamosteyê ke dersanê taybet danê û sewbîna lihîfan viraznenê bihewênê.”

 

Sendîkaya Cinîyê ke Keye de Xebityenê (EVEKSEN) menga nîsane de dimayê têkoşînê xo yê huqûqî 10 serran ra dima, dewaya girîng ke statuyê karê keyeyî dana nasnayene qezenc kerd. Sereka Pêroyî ya EVEKSENî Gulsum Nazliogluye prosesê dewa û têkoşîno ke yeno dayene qal kerd.

 

Gulsume da zanayîş ke xebatê ke keye de yenê kerdene goreyê Pêameyîşê ÎLO yê û vat, bi serran o seba heqê xo munaqeşe kerdê ûi çareserîyê probleman de qerar dayê ke sendîka awan bikerê û 2009 de sendîka awan kerdê.

 

‘Beno sebebê karkerîyê domanan zî’

 

Gulsume va ke dimayê pandemî xebatê keye zêde bîyê û wina qal kerd: “Nimûne ma vajê, domane/o ke nêeşko solan binexşo zî keye de karê bîn kenê. Doman/e  bieşko çi bikero keno/a. Dimayê pandemî xebatê ke keye de yenê kerdene zêde bîyê. Karsazî, derdê înan ê kîrayê kargerî, fatureyê awe û ceyranî çin o. Sewbîna babeta nêweşîyanê meslegî de zî berpirsîyarî nêgînê serê xo. 27 endamê awankerdox estê. Pêro cinî yê. Her şaristan de kongreyê hîrê rojan ameyî kerdene. Bi tevgerê femînîstan dir têkiliyê ma estê. Rojevê ma yê sereyîn, şîdetê keyeyî, îhlalkerdişê kede yê keyeyî yo.”

 

‘Hûmara sîcîlî 10 serran ra dima ameye girewtene’

 

Gulsume vat, seba hûmara sîcîlê yanî hûmara kargerî çinbî, 2009 de dewa ameya akerdene û dimayê 10 serran ra dima hûmare girewtê û bîyê sendîkaya fermî. Gulsume wina dewam kerd: “Belgeyê me yê kêm çinbî. 10in Daîreyê Daniştayî vat pêro belgeyî temam ê. Dimayê dewa, sendîka xo reyna verê çiman ra derbaz kerd. Do waştişê ma yê baskê kar yê keyeyî yenê kerdene bibê. Sendîka do kesê ke keye de açernayîş kenê, kasetan goşdarî kenê û nusnenê, yê ke keye de lihîfan viraznenê bihewîno. Êdî eşkenê serê înternetî de zî bibê endam.”

 

‘Ma do têkoşînê cinî û aştîye dewam bikerê’

 

Gulsume tewr peyîn qiseykerdişê dîyar kerd ke dimayê prosesê qanûnî temam bibê, do sendîka xeylêk merdiman gelek û meslegê cuye bihewîno û vat, mamosteyê ke dersê taybet danê heta kesê ke keye de nexş û deştiş kenê eşkenê bibê endamê sendîka. Gulsume tewr peyîn qiseykerdişê xo de dîyar kerd ke do têkoşînê cinî û aştîye heta peynî dewam bikerê.