MÊRDÎN - Çirrê Emrûtî, dewa Emrûtî ya Qoserî de yo û bi weşikîyê xo bale anceno. Aşma wesarî de varano ke zêde ra vareno çirr û çimeyanê awe rê beno cuye. Dewa Emrûtî girêdayê Qoserî ya Mêrdînî de Çirrê Emrûtî zî weşikîyê xo bale anceno.   

 

Dewa Emrûtî herêma Koyê Mazî de, yanî 20 kîlometre Qoserî ra durî ya, mîyanê koyan de ca gêna. Dewa ke serra 1993 de hetê dewlete ra ameye vêşnayene û vengkerdene, serran dima ra tayî malbatî agêrayê dewa xo.  

 

Çirr bale her kesî anceno

 

Dewa ke bi baxçe û xoza xo bale merdiman ancena, Çirrê Emrûtî zî weşikîyêko cîya dano dewe. Çirr, dekewtişê dewe de asêno û Pamukkale ano vîrê merdimî. Awê şimitişî û citkarîye zî na ra yena. Bêguman ê ke şinê serdayîşê Çirrî zî zaf zêdeyê. Hetê şarê herême ra zaf bale anceno. Şar semedê seyrankerdişî şino û sewbîna ê ke belgefîlm û fotografan ancenê zî eleqeyêko cîya mojnenê ra.