Safiye Alagaş

 

AMED - HDP ke do çarçewaya ‘Pêvînayîşê Demokrasî’ de vejîyê wareyan, Amed de zî do na çarçewa de binê sernameyê ‘Pêvînayîşê heqê merdiman û huqûqî’ û ‘vera şerî bi ruhê aştîye’ çalakîyan bikerî.

 

Hemseraka HDPyî 1ê Hezîrane de belgeyê ‘têkoşînê demokratîk’ eşkera kerd. Lingê yewin, ‘Rayrayîşê Demokrasî yê vera darbeyî’ bi. Rayrayîş 15 rojan dewam kerd û Enqere de peynî bi. Lingê diyîn ê bernameyî ‘pêvînayîşê demokrasî’ zî 7ê Temmuze de meclîs de bi eşkerayîyêk ame dayene.

 

‘Pêvînayîşê huqûq û heqê merdiman’

 

Çarçewaya nê de do Amed de xeylêk pêvînayîş û eşkerayî bêrê dayene. 14ê Temmuze de verê zîndanê Tîpê E yê Amedî de do eşkerayîye bi serê nameyê ‘pêvînayîşê huqûq û heqê merdiman’ bêro dayene. Pêameyîşê HDPyî, dayîkê aştîye û merdimê hepsîyan do beşdar bibê. Eşkerayî de do bale biancê serê rewşa hepsîyan.

 

‘Vera şerî ruhê aştîye’

  

17ê Temmuze de zî bi amancê balê biancê serê hêrişê TESKî yê hemverê Şengal, Mexmûr, Qendîl û Rojawanî do bi sernameyê ‘vera şerî aştîye’ eşkerayî bêro dayene. Sewbîna do qetilkerdişê hîrê cinîyanê Kurdî yê Rojawanî bêrê şermezarkerdene û polîtîkayê aştîye yê HDPyî bêrê ziwan. Yeno pawitene ke do beşdarbîyayîş xeylêk hîra bo.

 

‘Nêzdîbîyayîşêko heyfgirewtişî yeno ramojnayîş’

 

Hemsereka HDPyî ya Amedî Hulya Alokmene derheqê bernameyê 14-17ê Temmuze de qisey kerd û vat: “Îhlalkerdişê heqan, zîndanan de zêde bîyo. Bi taybetî pandemî de resa sewîyeya tewr cor. Bi qanûno ame vetene de nêzdîbîyayîşê heyfgirewtişî ame ramojnayîş. La ganî bi hezaran hepsîyê sîyasî biameyne tahliyekerdene. Hepsîyê ke nêweşê nînê tahlîyekerdene. 14ê Temmuze hetê xoverdoxanê zîndanan de tarîxêko girîng o. Coka ma 14ê Temmuze tercîh kerd. Ma do derheqê zîndanan de eşkerayîyêk bidê.”

 

‘Ma do têkoşînê rêxistinkerdişî girs bikerê’

 

Hulya bale ante serê hêrişê Rojawan û Herêma Federal a Kurdistanî û vat, ê hêrişan qebul nêkenê û wina vat: “Di mengê peyîn de destbendkerdiş û tepiştiş hemverê cinîyan ame kerdene. Vera nê cinî têkoşînê rêxistinkerdişî girs bikerê. 10ê Temmuze de do gorê Vedat Aydin û welatîyê bîn ke ameyê qetilkerdene a roje bêrê zîyaretkerdiş. 20ê Temmuze de zî do gorê kesê ke qirkerdişê Pirsûsî de cuya xo vindî kerdî bêrê zîyaretkerdiş. Sewbîna çarçewaya plansazî de do pêvînayîş şarî dir bêro kerdene.”