Fîlîz Zeyrek

 

EDENE - Pero Kutluka ke 30 serrî yo ke terzîyî kena, bade prosesê vîrûsî de gedê aye betal mendê aye zî keyeyê xo vurna atolye. Peroya ke taxêka de bi paştdayîşî cuya xo dewam kena, hem keye de û hem zî taxe de parçeyêk nê paştdayîşî ya.

 

Prosesê pandemiye de krizê ekonomîye zêdeyêr tesîr kerd û feqîrî, betalî her ko şono giran beno. Şar zî bi paştdayîşî û lebatekerdişê xo, bine nê probleman werizeno. Beguman reyna baro tewir giran kewte sere mile cînîyan. Qezaya Daglioglu yê Seyhanî ya Edenî de, cînîya bi nameyê Pero Kutluke zî nê cînîyan ra yew a ke barê aye giran bîyo û bade ke gede aye betal manenê, keyeyê xo vurnenê atolye.

 

‘Betalmendiş ra başêr o’

 

Peroye ver polîtîkayê dewlete Şirnaxî ra koçê Edene kena û terzîyî zî şenikîye xo de maya xo ra musena. Gureyê Peroye yo esas deştişê çînayek û fistanan o. La no prosesî de semedo ke veyve û rojê taybet çinîyê coka ra cil û belgî zî eleqe nêvînenê. No semed ra zî Peroye cil û berganê rojane derzena. Pero wina vana: "Ez zêde qezenç nêkena, la nêvaro zî qet nêbeno dalpê kena. Şîyayê ma yê mitbaxî vejêno. No prosesî de gedê ma betal mendê. Kes nêxebetêno. Heme perişan bî.”

 

'Gureyê her cînîyêk est o.'    

 

Peroye ard ziwan di taxê de heme kesê ke koçber bî, ronişenê û wina derg kerde qiseyê xo: " Ma heme di hemberê zor û zehmetîyan de ser lingan vindenê. Di taxa ke paştdayîş est o, her cînîyek wayîrê gureyêke ya. Labelê hem kare keyeyî hem karê debare cînan dano zorî.   

 

Ma zehmetî ancenê, la reyna zî ma heqê her karî ra vejênê. Ma lebate dane ke ser lingan vinderê."

 

Peroye badê qiseykerdişê xo de mojna ra ke sey heme kesê vîrusê bandore da serê înan zî û wina peynî arde: "No 30 serrî yo ez terzîyî kena. No wextanê peyînî de mi zêdeyêr giranî daya. Ma lebate danê nê rojan derbas bikerê."