AGIRÎ - Şaredarîya Giyadinî, bi amancê îstîhdamakerdişê cinîyan, dest bi awankerdişê Bazarê Keda Cinîyan kerd.

 

Şaredarîya qezaya Giyadinî ya Agirî ke binê îdarekerdişê Partîya Demokratîke ya Şaran (HDP) de ya, dest bi projê xo yê Bazara Keda Cinîyan kerd.  HDPyî weçînayîşê herême ya serra 2019 de soz dabi cinîyan ke seba înan bazar awan bikero. Şaredarîye, bazar, wareyêko 635 metrekare yê Taxa Ataturkî de awan kerd û do xeylêk cinî nê bazarî de karê xo bikerê. Verê hewteyêk îhaleyê bazarî ame kerdene û bingeyê ci ame eştiş. Cinî do bazar de berardişê xo biroşê û debara xo bikerê.