AMED - Tehqîqato ke vera pê kargo erşawîyayîşê cenazaya HPGyîj Egîd Îpekî, mîyanê di mengan de pê bira bêteqibîye ame qedînayene.

 

Menga nîsane de cenazeya HPGyîj Egîd Îpekî zereyê kutuyêkî de pê kargo erşawîyabî keyeyê ci. Dima Komeleya Heqanê Merdiman (ÎHD), Baroyê Amedî, Temsîlkarîya Amedî ya Weqfa Heqanê Merdiman a Tirkîya (TÎHV), Komeleya Huqûqnasanê Seba Azadîye (OHD) û dadî Halîse Aksoy 10ê nîsane de gerreyê serebûtî kerdbi.

 

Keye û dezgehan muracatê Serdozgerîya Komare ya Amedî de semedo ke ''wezîfeyê xo bi hawayêkê xirabî xebitna'' vera wezîfedaranê Serdozgerîya Komare ya Dêrsimî nêrazîbîyayîşê xo mojnabi.

 

Serdozgerîya Komare ya Amedî dosya erşawite Serdozgerîya Komare ya Dêrsimî. Serdozgerîya Dêrsimî derheqê dosya de bira bêteqîbîye daye. Dadî Halîse Aksoy û avûkatî do vera bire Mehkemeya Cezaya Sulhe ya Dêrsimî de îtîraz bikerê.