Melîke Aydin

 

ÎZMÎR - Kampanyaya "Têkoşînê cinîyan her ca de yo” ê Meclîsê Cinîyan ê HDPyî dewam keno. Cinîyê Îzmîrijî çarçewaya kampanya de 5ê Temmuze de konvoyê morî awan bikerê.

 

Kampanyaya "Têkoşînê cinîyan her ca de yo” ê Meclîsê Cinîyanê Partîya Demokratîkî ya Şaran (HDP) Îzmîr de dewam kena. Endama meclîsî Ayşe Ozdamare derheqê kampanya de zanayîş da û vat: “Ma do seke cinîyanê Egeyijan konvoyê morî awan bikerê.”

 

Ayşe, wina dewam kerd: “Ma seba sîyasetêko azad, kampanyayêka bi nê rengî dewam kenê. Do hewteyê peynîya kampanya de zî ma do serê kiştişê cinîyan de vinderê. Labelê hetê Walîyê Îzmîrî ra heme çalakîyê HDPyî ameyî qedexekerdene. Coka ma zî nêeşkayî kampanyaya xo wareyan de bîyarê ziwan.”

 

Ayşe, dîyar kerd ke HDP Tirkîya de partîya 3ine yo, la pêro çalakîyê ci yenê astenkerdene û wina vat: “Ma derheqê Qanûnê Înfazî de eşkarîyêk da û ma waştêne ke ma verê sazgehê edlîye de çalakîya xo bikerê. La nêverdayî ma tîya eşkarîyê bidê. Ma awanîya HDPyî de eşkerayî da. daxuyanî da. Meclîsê ma eynî wextî de mîyanê Cinî pîya bi hêz ê û Platformê Cinîyanê Îzmîrî de ca gênê. Ma beşdarê xebatanê înan zî benê. Sewbîna têkilîyê ma sazgeh û dezgehê cinîyanê ê Îzmîrî zî esta û ma înan dir pêvînayîş kerd û baş derbaz bi. Xebatê hempar ê sazgeh û dezgehê cinîyan hêz dano xebatanê ma.”

 

Ayşe, tewr peyîn qiseykerdişê xo de bale ante serê xebatanê xo yê seba konvoyê morî û wina vat: “Ma seba konvoyî xebatanê xo dewam kenê. Ma do 5ê temmuze de seke cinîyanê Egeyî vejîyê wareyan. Ma do bi sloganê 'Têkoşînê Cinîyan her ca de yo’ konvoyê morî awan bikerê.