AMED  - Hemsereka KCDyî Leyla Guvene dîyar kerd ke kampanyaya rêxistinê cinîyan ê mîyanneteweyî yê seba hepsîyê sîyasîyan do bêro destpêkerdene zaf girîng a û vat: "Ganî her het ra paştdayîş bidê na kampanya."

 

Rêxistinê mîyanneteweyî yê cinîyan, rojê pandemîyê (Covid-19) de semedê hepsîyê sîyasî serbest bêrê veradayene 19ê Gulane de dest bi kampanyaya "Paştdayîş do ma bido ciwîyayîş" kerdî. Tirkîya de pêwa Tevgerê Cinîyanê Azadan (TJA) xeylêk rêxistinê komelê sîvîl piştdayîş dayî na kampanya.

 

Hemsereka Kongreya Komeleyê Demokratîk (KCD) Leyla Guvene dîyar kerde ke seba problemê kurdan bi rayîrê demokratîk nênê çareserkerdene coka nika xeylêk hepsîyê sîyasî zîndanan de yenê tepiştiş û semedê kampanyaya "Piştdayîş do ma bido ciwîyayîş" seba hepsîyê sîyasî ameya destpêkerdene vengdayîşê paştdayîşî kerd.

 

'Ganî kampanya bêra xurtkerdene'

 

Leyla da zanayene ke hepsîyê sîyasî madeyêk girîng ê û wina vat: "Wexto ke ma zîndanê welat ra ewnîyenê, xeylêk îhlalkerdişê heqan estê. Heqê înan goreyê kêfê zerrîya kesan yenê xespkerdene. Bi cezayê dîsîplînî wazenê, hepsîyan bêveng verdê. Coka her kampanyayê ke seba hepsîyan yenê destpêkerdene, girîng ê. Nê kampanyayî xeylêk bi mana yê. Ganî kampanya bêra xurtkerdene. Eke vengê înan nêvejîyo teber, ganî ma vengê înan vejê teber. Semedê îktidar gamêke bierzo, ganî çi destê ma ra bêro ma bikerê. Coka na kampanya teberê welat de ameya destpêkerdene û seba ma zaf girîng a. Eke na kampanya teberê welat de pîl biba, do hepsî zî vejîyê. No têkoşînêko derg o la ez vana do qetî serkewte bo. Na babete ma hemine eleqedar kena. êt mezin bibe ew ê girtî jî derkevin. Seba embazanê ma yê hepsî vejîyê teber ma pêro vezîfeyê xo bi ca bîyarê."