ÊLIH - No serê siba, netîceyê sereştişê keyan de Hemşaredara Bajarokê Awiskî Hatîce Taş û 7 kesê bîn ameyî destbendkerdene.

 

Çarçewaya cigêrayîşî hetê Serdozgerîya Komare ya Êlihî de ameya destpêkerdene de merkezê Êlihî de leşker û tîmê taybet eştî serê keyeyê Hemsereka Şaredarîya Bajarokê Awîskî ya girêdayê Qûbînî Hatîce Taşe qeyûm tayînê vera ci amebi kerdene destbend kerdî. Tîmê taybetî berê keyeyî şiknayî û kewtî keye. Leşkeran berê keyeyî şiknayî û kewtî keye. Leşkeran keye de cigêrayîş kerdî. Dimayê cigêrayîşî leşkeran Hatîce destbend kerdî.

 

Xêrcê Hatîce, endamê Meclîsê Şaredarî Tahsîn Yildirim, xebatkarê şaredarî Huseyîn Taş, Cemal Dogan, Ekrem Evrûz, Bayram Ozalp û kesêk nameyê ci nêame zanayene ameyî destbendkerdene. Sebebê destbendkerişî nêame zanayene û kesê ke ameyî destbendkerdene berdî Fermendarîyê Leşkeran ê Êlihî. 

  

Çarçewaya operasyonî de leşkeran eşt serê keyeyê Hemşaredarê Awîskî Osman Karabûlûtî zî. Seba ke Osman keye de nêbi nêame destbendkerdene.

 

Ame zanayene ke tehqîqato ke ameyo destpêkerdene, derheqê 25 kesan de qerarê destbendkerdişî ameyo vetene.

 

Mêrdeyê Hatîce, Fersende Taşî neql kerd ke leşker û tîmê taybetî eştê serê keyeyî û vat, berê keyeyî şiknayê û keyeyê înan serûbin kerdê. Fersende ard ziwan ke tîmê taybet ey û domananê ci erd de derg kerdê derey û qûndaxê sîlehî kerdê serê înan. Fersende da zanayîş ke leşkeran bi înan îşkence kerdo û domanê ci xeylêk tersayê. Fersende vat leşkeran telefonê ci desteser kerdê û fotograf û dîmenê ke antê pak kerdê.

 

Yeno vatene ke hûmara destbendkerdişan zêde bibo.