Hîkmet Tunç

 

AGIRÎ - S.Bya ke kênaya ci hetê camêrdo bi nameyê Mehmet E. ra bi hêrişê cinsî dir rî bi rî mende, dîyar kerde ke komel gumanbaran ney, înan muhakeme keno û vat: “Kênaya mi hema 6 serrî ya. Ez verê domana xo de ya. Şima zî verê mi de bê.”

 

Qezaya Bazidê Agirî de camêrdo bi nameyê Mehmet E. 21ê Nîsane de seba karê tadîlatî şîbî keyeyêk û uca de domane îstîsmar kerdib. Maya S.B hêrişê cinsî ferq kena û nê ser o Mehmet E.yî gerre kena. Mehmet E. 5 rojî dima yeno tepiştene. Gumanbar zîndanê Bazidî de koxuş de tena mendêne, 30ê Nîsane de bi hewayêko guman cuya xo vindî kerd. Dayîka domane S.B zî dimayê hêrişê cinsî çîyê ke cuyaya qal kerde.

 

‘Komel ma muhakeme keno’

 

S.B da zaneyene ke dimayê hêrişê cinsî komel, camêrdî ney ma muhakeme kerd û vat: “Cîranê ma qebûl nêkenê. Coka ma nêeşkenê vejîyê teber. Keyeyê ma agêrayo sey zîndan. Hîn cîranan diyalog ma dir birnayî. Hîn zî şîdetê psîkolojîk bi ca anê. Hedîse xora verê çimanê mi ra derbaz nêbena. Ma wazenê ganî tîya ra vejîyê. Siba do kênaya mi nêeşko şêro mektebe zî.”

 

S.B dîyar kerde ke mêrdeyê ci seba astengdarîya xo nêeşkena bixebitîyo û vat: “Seba ekonomîye ma nêeşkenê şêrê cayêko bîn zî. Ez her wext verê kênaya xo de ya. Belkî no suco ewil ê o kesî nêbi û belkî suco peyîn nêbîne. Mi gerre kerd û heyfê hemine girewt. Belkî domanêk bîn zî îstîsmar bikerdêne. Ez vera nê wişta.”

 

S.B tewr peyîn qiseykerdişê xo de ard ziwan ke dimayê îdiayê întîxarî yê gumanbarî dima hîn weşanê çapemenîye de xeberê ke gumanbar ameyne pawitiş ameyê weşênayene û vat: “Kênaya mi hîna domanêka 6 serrî ya. Ez verê kênaya xo de ya. Şima zî verê mi de bê.”