AMED - Polîsan waşt ke fotografê ke fotograf û dîmênê rojnamegerê ke çalakîya cinîyan taqîb kerdê desteser bikerê. Rojnamegerê ke waştişê polîsan red kerd, hetê polîsan ra ameyî taqîbkerdiş û bi tacîzî dir rî  bi rî mendî.

 

Rojnamegerê ke Berê Koyî yê Sûrê Amedî de çalakîya cinîyan taqîb kerdêne, hetê polîsan ra ameyî vindarnayene û polîsan waşt ke fotograf û dîmenê ke rojnamgeran girewtê desteser bikerê. Rojnamegerê ke mîyanê înan de muxabirê ma Şehrîban Aslan, Sema Çaglak û Muxabirê Ajansê Mezopotamyayî (MA)  Aydin Ata û Ergîn Çaglar zî estbî, dimayê çalakîye kerdî binê ablûqa. Polîsan, rojnamegeran ra waşt ke fotograf û dîmenê ke girewtê teslîmê înan bikerê. Rojnamgerê ke dîmen û fotografê xo nêdayî demêk hetê polîsan ra ameyî ablûqakerdene.

 

Polîsan eynî rojnamegeran reyke bîn zî semtê ofîse de vindarnayî û waştî ke dîmenanê rojnamegeran desteser bikerê. Rojnamegerê ke dîmen û fotografan nêdayî serbest ameyî veradayene.