WAN - Nafîye Bala ke zîndanê Tîpê E yê Muşî yê Cinîyan ra tehlîye bî, dîyar kerde ke leşkerî bi kutikan kewenê koxuşan û cigêrayîş kenê û vat, bi her hewa heqê hepsîyan yenê îhlalkerdene.

 

Nafîye Bale ke seba xebata ciwanan ya Muşî ya Partîya Herêmê Demokratîkî (HDP) kerdêne teşrîna verêne 2019 de ameye tepiştene. Nêzdîyê di mengî verê zîndanê Tîpê E yê Muşî yê Cinîyan ra vejîya. Nafîye dimayê ke vejîya, derheqê şert û mercê zîndanî de zanayîş da. Nafîye dîyar kerde ke îdarekarê zîndanî kitabê ke ke ameyne teslîmê înan nêkerdêne, hetê gardîyanan ra rastê mobîngî ameyê.

 

Nafîye da zanayîş ke koxuşêke de 6 cinî û domanêke 4 serrî mendêne û hepsîyê nêweş mendêne û wina vat: "Mahlîse Karaguzele nêweşa şekir û tansîyonî bî. Îdarekarî, werdê dîyetê nêdayîne û vatêne, îsot û firingîyan borê. Sewbîna rojê şîyayîşê nêweşxane zî ardêne saetanê pêvînayîşan. Derman, saete ci de nêameyne dayene. Muhlise ya ke mudaxaleyê nê kerdêne, surgunê zîndanê cinîyan ê Kayserî kerdî."

 

'Domanan nêberdî nêweşxane' 

 

Nafîye dîyar kerde ke embaza înan Besra Erole wexto pakîye kerdêne kewte û milê xo şikna û wina vat: "Roja ewil berdê nêweşxane. La ganî dima ra zî seba kontrolî biberdêne. La seba vîrusî nêberdê. Fatma Demîrhane zî bi lajê xo yê 4 serrî verê ma de mendêne. Doman, seba şertê zîndanî nêweş kewtib îa nêberdî nêweşxane. Pîyê ey ame nêweşxane ey girewt û berd nêweşxane."

 

'Bi kutikan kewtêne zere'

 

Nafîye da zanayene ke leşkerî serê sibayî yan zî ereyê şewe de bi kutikan kewtî koxuşan û wina qalê cigêrayîşî kerd: “Bi no hewa cigêrayîş kerdêne. Kutikan pay dayîne serê her cayî. Embazê ke nimaj kerdêne estbî. Ma vatêne caîz nîyo la reaksîyon ramojnayîne. Sewbîna qet kitabê kurdî nêdayîne ma."

 

'Telefon berdêne' 

 

Nafîye tewr peyîn va ke pêvînayîşê telefonan de zî telefon ameyne birnayene û wina vat: "Dadgere, seba problemê cinîyan goşdar bikera ameye zîndan. La mudirê zîndan û dozgera cinî da vindarnayene. Sewbîna nê prosesî de ke ganî pakitî ser o baldarî bibo, labelê selahîyetdaranê zîndanî girîngî nêdayîne dezenfekte."