ENQERE - Bi wesîleyê 20ê Hezîrane Roja multecîyanê Dinya, Komîsyonê Multecî û Koçberanê HDPyî eşkerayîyêka nuşte weşênayî û vat: "Nêawankerdişê çareserîyê mende û baş seba multecîyan beno sebebê cîyabîyayîşan û nîjadperestî zêde beno."

 

Bi wesîleyê 20ê Hezîranê Roja Multecîyanê Dinya, Komîsyonê Multecîyan û Koçberan ê Partîya Demokratîkî ya Şaran (HDP), eşkerayîyêk nuşte da. Eşkerayîya bi îmzaya Hemverfeka Komîsyonî Gulsum Agaoglû ame weşênayene.

 

Eşkerayî de ame dîyar kerdene ke serra 2020 de temamê dinya de bi milyonan multecî, durê keyeyê xo de prosesê şubeyî de bi tena ameyê verdayîş û mîyanê problemanê pîlan de ciwîyenê. Eşkerayî de ame zanayene ke dinya de nîjadperestî, neteweperestî, sûcê nefretî zêde bîyê, hêrişê şexsî zêde bîyê û seba nê zî polîtîkayê DYEyî ya vera sîyan seke nimûne ame ramojnayîş.

 

Eşkerayî de problemê multecîyan ê seke stargeh, asayîş, weşîye, weykerdene, kar, perwerde û teberverdayîşê mîyanê komelî yê multecîyanê yê Tirkîya ame ercnayîş û wina ame vatene: "Nêawankerdişê çareserîyê mende û bi qîm seba multecîyan beno sebeb ke cîyabîyayîşî û nîjadperestî zêde bibê. Multecîyê Sûrîye zî xeylê cayen de benê hedefê hêrişanê nîjadperestî ke netîce de cuya xo vindî kenê.