AMED - Hepsîya bi nameyê Asuman Yamane bi rayîrê keyeyê xo bale ante serê problemê Zîndanê Rihayî û vat: "Hewteyêko awe nîna dayene û eynî wextî de awa şimitişî zî nîna dayene. Ma veng danê raya pêroyî û derheqê na babete de hîsgêr bê."

 

Zîndanan de tedayê hemverê hepsîyan dewam kenê. Yew nê zîndanan ra zî Zîndanê Rihayî yê Tîpê T yê hûmara 2yo. Hemsereka Partîya Demokratîkî ya Şaran (HDP) ya Rihayî Asuman Yamane 2016 ra tepişte ya. Bi rayîrê keyeyê xo bale ante serê caardişanê zîndanî.

 

Asûmane bi rayîrê keyeyê xo vengdayîşê hîsgêrî kerd û vat: "Hewteyêko ma tîya bi problemanê awe dir rî bi rî yê û nînê çareserkerdiş zî. Eynî wextî de aeba şimitişî zî awe nîna dayene. Ma veng danê sîyasetmedar û şarî, veng bidê vengê hepsîyan. Sewbîna demê vîyarte de semedê şubeyê vîrûsê koronayî çalakîyê seke qurs û spor ameyî vindertiş. Kargo û mektuban dimayê demêko derg danê hepsîyan."