STENBOL - Avûkatanê PKKyî Abdullah Ocalanî seba pêvînayîşê Îmraliyî muracatê Serdozgerîya Komare ya Bursa kerd.

 

Avûkatanê PKKyî Abdullah Ocalanî yo ke 1999î ra nata Îmrali de yeno tepiştene û binê tecrîdê giran de yo Faîk Ozgur Erol, Cengîz Yureklî, Newroze Uysal û Mezlûm Dînçî seba ke roja îneyî muwekîlê xo dir pêvînayîş bikerê muracatê Serdozgerîya Komare ya Bursa kerd.

 

Avûkatanê Abdullah Ocalanî badê 8 serran 2 û 22ê gulane, 12 û 18ê Hezîrane û 7ê tebax a 2019î de pêvînayîş kerd.

 

7ê tebaxe ra nata pêro pîya 77 muracatî ameyî kerdene la qet cewabêk nêame dayene.