AGIRÎ - Dewaya Leyla Aydemira ke 18 rojî ra dima Agirî de cenazeya aye ameye vînayîş de, dozgerî mutaala temam kerd. 

 

Dewa Bezirxanî ya Agirî de domana bi nameyê Leyla Aydemîra 4 serrî, 15ê Hezîrana 2018 de vindî bibî û 18 rojî ra dima cenazeya aye amebî vînayene. Dozgerî, mutaalaya derheqê dewaya Leyla de temam kerd û vizêr pêşkeşî dadgehe kerd. 3. roniştişê nîsane de ame vînayene, çarçewaya tedbîrê Vîrusê Koronayî de taloqî temmuze amebi kerdene.

 

Dozgerî dîyar kerde ke dedê Leyla, Yusuf Aydemir, merdimê aye Mehmet Alî Aydemir, Besim Dursun "Mîyanê eynî fikir û tevgerî de" Leyla qetil kerdê û derheqê înan de muebbetê giran û 14 serrî ceza waşt. Dozgerî derheqê versûcê bi nameyê A.A û Y.A de ke bê tepiştiş yenê muhakemekerdene, heta 29 serrî û çar mengan ceza waşt. Eynî wextî de dozgerî beratê dedê Leyla, M.A û hemsera Besim Dursun, H.D waşt.