STENBOL- Rayraşîyayîşê Demokrasîyî yê HDPyî Stenbol de zî dîya destpêkerdene. Polîsan Stenbol de rayraşîyayîş asteng kerd û hêrişê HDPyî kerd. 6 kesî ameyî destbendkerdene.

 

Partîya Demokratîke ya Şaran (HDP) pê 36 wesayîtan ver bi Sîlîvre kewt rayîr. Goreyê zanayîşan Umranîye de pê bahaneya kontrolkerdişê nasnameyan Can Park de verê wesayîtan gêrîya. Sîlîvrî de Hemsereka HDPyî ya Stenbolî Elîfe Bulut û endamê Meclîsê HDPyî ameyî têhet. Polîsan waştêne ke kafeyêke de nasnameyanê heyetî kontrol bikerê la parlementeran destûr nêda.

 

Parlementerê HDPyî Faruk Gergerlîoglu, Zeynel Ozen, Musa Pîroglu û Hemserekê HDPyî yê Stenbolî Elîfe Bulut û Zeynel Avci meydan de yê. Mabênê polîsan û heyetî de alozîye qewimîyaye. Polîsan hêrişê kafe kerd, masayî zît kerdî û îdarekarê şaristanî dest bend kerdî. Goreyê zanayîşan ê peyênan 6 kesî ameyî destbendkerdene.