ÇEWLÎG - Erzlerzê Çewlîgî ra dima tewr tay 150 lerzîyayîşê mendeyî zî qewimîyayî. Çewlîgijî ters verî ra nêeşkenê şorê keyeyanê xo, rayîrê dewan zî rîyê hezazî ra qefilîyayî.

 

Vizêr Erzdlerzê Çewlîgî yê bi şîdetê 5.8î ra dima kesêk merdbi û 18 kesî zî birîndarî bibî. Ewro zî bi şîdetê 5.7î erd reyna lerzîya. Heta nika şaristan de tewr tay 150 lerzîyayîşê mendeyî qewimîyayî. Erdlerz de dewan de xesarê pîlî ameyî meydan; keyeyî rijîyayî û heywanî telef bîyî.

 

Şar tersan ra nêeşkeno şoro keyeyê xo

 

Hetê bînî ra tesîrê erdlerzî ra rayîrî zî kewtî binê erdî û hezazî ameyî meydan. Qezaya Çêrme ya Çewlîgî de zî kerrayê kendalan erdlerzî ra qerifîyayî û ginayî wesayîtan ser. Tay raywanî zî birîndar bîyî. 

 

Hemwelatîyê Çewlîgî zî tersê erdlerzî ra nêafteranê şorê zereyê keyeyanê xo. Bi taybetî qezayanê Kanîreş û Çêrme yê Çewlîgî de şar erdlerzanê neweyan ra qerqilîyeno.