STENBOL- HDP rixmê heme hêrişan startê Rayraşîyayîşê Demokrasîyî yê Silivrî da. Rayraşîyayîşo ke wekîlî ameyî derbkerdene û 6 kesî ameyî destbendkerdene de Pervîne Buldane vat ma mîlyonî, şima nêeşkenê vernîya bîgêrê.

 

HDP rixmê heme hêrişan Rayraşîyayîşê Demokrasîyî yê Silivrî ame destpêkerdene. Hemsereka Pêroyî ya Partîya Demokratîke ya Şaran (HDP) Pervîne Buldane ke destpêkerdişê çalakîye de qisey kerd vat ma mîlyonî, şima nêeşkenê vernîya bîgêrê.

 

‘Şima nêeşkenê vernîya mîlyonan bigîrê’

 

Pervîne derheqê babete de vat: ''Qedexeyî ra nêbîyêne ewro hezaran do raşt bikêrdene. Edirne de temsilkarê bi hezaran estê. Sere de Edirne xeylê zîndanan de wekîl û hemşaredar û embazê ma yê HDPyîjî ke mîlyonan temsîl kenê tede manenê. No rayraşîyayîşê azadîye û demokrasîyî yo. Ma mîlyonî, şima nêeşkenê bi qedexeyan vernîya ma bîgêrê ma rê peyser geme bidê eştene.''

 

Badê qiseykerdişî Pervîne û parlementerê bînan verê xo da Zîndanê Edirne ke  hemserekê pêroyî yo verên yê HDPyî Selahattîn Demîrtaş û tepişteyê sîyasîyê bînî tede yê.