MÊRDÎN - Netîceyê otopsî de serê wucudê Sare ke di rojî verê bi ewayêko guman merde ameye vînayene, rêça derbî ameye vînayene. Welatîyê ke bi Sare dir eynî dewe de manenê, dayî zanayîş ke pîyê Sare tim şîdet ci rê kerdêne.

 

Mêrdîn de mîyanê 15 rojî de 4 cinîyan bi hewayêko guman cuya xo vindî kerdî. Cinîya bi nameyê Sare Goka 22 serrî zî bi hewayêko guman dinyaya xo bedilna. Netîceyê otopsî de serê wucudê Sare de rêçe derbî ameye vînayene. Sare dewa Xanika ya Midyadî cuyayne, şewa ke dewe de pes çêrnayne, cenazeya aye hetê dewijan ra ameye vînayene. Ame dîyarkerdiş ke bi serran o, Sare hetê pîyê xo ra bi îşkenceyê sîstematîk rî bi rî ameya verdayene.

 

Raporê otopsî de rêçê derbî ameyî vînayene

 

Roja ke Sare dinyaya xo bedilna, cenazeya aye seba otopsî wedarnayî Nêweşxaneyê Dewlete ya Mêrdînî. Raporê otopsî de serê sîneyê aye û milê aye de rêçê derbî ameyî vînayene. Roja yewin de cenaze seba keyeyî nêameye dayene. Dimayê raporî cenaze dayî keye.

 

Pîyê aye hêrişê sîstematîk ci rê kerdo

 

Welatîyê ke ma xo resna înan vatî ke Sare bi kindirê bîrî xo kişto. Sare ke dadîye ci merdebî û bi pîyê xo dir cuyayîne, ame vatene ke hetê pîyê xo ra bi serran o şîdetê sîstematîk û psîkolojîk dir ameya verdayîş. Sewbîna dewijan da zanayîş ke pîyê Sare wayanê aye bînan zî bi zor dayo zewicnayene.

 

15 rojî de 4 cinî bi hewayêko bi guman dinyaya xo bedilnayî

 

Pêwa Sare, Mêrdîn de mîyanê 15 rojî de 4 cinî bi hewayêko bi guman dinyaya xo bedilnayî, 31ê Gulane de Nisêbîn de Zehra Yalçin, 1ê Hezîrane de Qoser de Sebahat Oral, 6ê Hezîrane de Midyad de Şenaz Urun û Midyad zî Sare Goke bi hawayêko bi guman dinyaya xo bedilnayî. Tehqîqatê ke dimayê mergê cinîyan ameyo destpêkerdin zî bi hewayêko lezgîn aver nêşîyo.