BEDLÎS - Bedlîs de 9 dewan û dewekanê pabesteyanê înan de qedexeyê tebervejîyayîşî ame îlankerdene. Hûmara dewanê qedexeyan bîye 28.

 

Walîtîya Bedlîsî çarçewa operasyonanê leşkerî de 9 dewan xeylêk dewekanê pabesteyê înan de qedexeyê tebervejîyayîşî îlan kerd. Bi qedexekerdişê nê dewan hûmara dewanê qedexeyan bîye 28. Dîya zanayene ke qedexeyo ke bînşewe dewanê Dogruyol, Keklikduzu, Bolukyazi, Kuşlu, Çayirbaşi, Çadirli, Dereagzi, Yolcular û Ilicak dewekanê înan de dest pêkerd do heta  fermanê diyînî dewam bikero.

 

Hetê bînî ra dewanê Çobansuyu, Aşagiçobansuyu, Akgun, Kutlu, Gulluce, Dîkme, Aşagidîkme, Yukaridîkme, Esenburun, Beşkaynak, Bayirli, Kinali, uçankuş, Yaronu, Dursun, Aşagiyolak, Yukariyolak, Aşagikoçak, Çeltîklî u dewekê nê dewan de qedexeyo ke 31ê gulane de ame destpêkerdene roja çarine de dewam keno.