STENBOL- Çagla Tugaltaye 20 serrî verê hetê kesî yan kesê ke nasnameyê înan nêdîyar o ra ameye qetilkerdene. Çagla ke gumanbarê ci nêame vînayene, dosyaya ci do 5ê hezîrane de bikewo verê demvîyartene. Keyeyê aye ke 20 serrî yo hewl dano ke vengê xo bido eşnawitiş, seba dosya nêkewo demvîyarteyî kampanya îmzayan da destpêkerdene.

 

Çagla Tugaltaya 15 serrî ke Şîşlî yê Stenbolî de cuyayîne, 5ê Hezîrana 2000î de wexto ke mektebe ra amebî keye, bi kardî amebî qetilkerdene. Polîsan, tehqîqat de dîyar kerd ke ber bi zor nêameyo akerdene, keye nêameyo vilakerdene, gumanbarî kardî mutbax de şito. Di mengî dima hedîse Nîşantaşî de kesêko xo seke potawan amade kerdib, kewtib keyeyê cinîyêka û hewl da bi ke tecawiz bikero. Tufa G. yo ke ame tepiştene, derheqê dosyaya Çaglaye de zî amebi cigêrayîş û seba DNA pê nêgirewt, serbest ame veradayene.

 

7 serrî dimayê hedîse, ekîbê dosyaye newe ra ame amadekerdene, dosya ameye cigêrayîş û ame ferqkerdene ke DNAyê îzmarîtê cixara ra nêameyê girewtene. Dadî û pîyê Çagla vatî ke îzmarît ê înan o û la reyna zî nimûneyê gonî dadî û pî ra ameye girewtene. La ê înan zî pê nêgirewt.

 

‘Analîzê DNAyî 14 serrî dima ameye girewtene'

 

2014 de derheqê dosyaya kerdişê nêdîyar de ekîbê taybet ameyî awankerdene. Ekîbî reyna vuryabî.  Ekîba ke semedê Çaglaye ameye awankerdene, dosya ser o cigêrayîş kerdî û ferq kerdî ke dimayê otopsî analîzê DNAyî mabêne neynûkê Çaglaye nêameyê kerdene. Serê nê de zî nimûne ame girewtene, DNAyî de aîdê camêrdk vejîya. Keye û cîranan ra nimûne ame girewtene. La aîdê ê kesan nêvejîya.

 

'Ganî dosya nêro girewtene'

 

Birayê Çagla, Îlken Tugaltayî va, do 5ê hezîrane de dewa bikewa, ver bi demvîyarneye û va pê ke nêkewa, kampanya îmzayan 30ê Gulane de danê destpêkerdene. Îlkerî ard ziwan ke 20 serran de 7-8 dozgerî vuryaya û wina va: "Semedê nê kesê ke ma înan dir têkilî dabî ro, her wext yewbînan dir visyayî. Her reye de ma bi neweyan dir kewtî têkilî. La ma tu netîce nêgirewt. Ma hewl danê ke vengê xo bidê eşnawitene. Ma vengê xo nêda eşnawitene. Teknolojîyê 20 serrî verê û nika seke yewbînan nîyo. 20 serrî verê baş nêame cigêrayîş belkî. Semedo ke dosya nêamî cigêrayîş, her wext akerde mend. Ma hewl danê ke vengê xo bidê eşnawitiş. Kampanyaya ma kewte di rojê peyîn. Ma zî nêzanê êdî se bikerê."

 

Ma verê keyeyî de yê'

 

Temsîlkara Platformê Ma do Kiştişê Cinîyan Vindarnê (KCDP) Melek Ondere zî wina vat: "Cinîyêka ciwan ameya kiştene. Do kam hesabê nê bido. Çagla 15 serrî bî. 20 serrî derbaz bîyo. Têkoşînê semedê edeletî dewam keno. Ma nê têkoşîn de verê keyeyî de yê. Çend rojî mendo ke dosya biko verê demvîyarnayene. Çi heyf, xeylêk hedîseyê winasî estê. Cinî yenê qetilkerdene û tedbîr nînê girewtene. Pêameyîşê Stenbol û qanûnê 6284 bi ca nêanê. Dosya Çagla zî bi hewayêko baş nêameye destgirewtene. Ganî pêameyîşê Stenbolî bi hewayêko saxlem bi ca bîyarê."

 

Serê nê lînkî de şima eşkenê xo biresnê kampanyaya îmzayan ke birayê Çagla, Îlkerî dayo destpêkerdene: