ŞIRNEX - Gelîya Çemî ya Hezexî bi xozaya xo her kesî mat verdena û bi germbîyayîşê hewayî dir bi rengê kesk xemilîya, emsar seba vîrusê koronayî ziyaretwanî nêeşkenê şorê serdayîş û seyran bikerê.

 

Gelîya Çemê Cehenemî Hezexê Şirnexî de bi serran o bendeyê kifşkerdişîya û bi ameyîşê wisarî dir bi rengê kesk xemilîya. Gelîya Qileyê Gabarî bi berzbîyayîş û dîmenê xo her kesî heyran verdana, eleqeyê hemverê Gelîya Çemê Cehenemî her serre xeylêk zêde yo. Gelîye mabêne 2015-2016 de seke mintiqaya asayîşê taybet ameye îlankerdene, nika bi germbîyayîşê hewayî dir rastê eleqeyêko pîl yena.

 

Hetê cografya ra Gelîya Çemê Cehenemî pîl a, hewcedarîyê awa Hezex û dewa ci zî peyda kena. Şar bi îmkanê xo xortim kerdê çem û 4 mewsîmî yo awe xo uca ra gênê. Dewijî erdê xo zî pê awe danê.

 

Seba vîrusî kes nêeşkeno serdayîş bikero

 

Gelîye ke şikeftê tarîxî estê, dimayê qedexeyî şarî seke seyrangeyî xebitnenê. Verê qedexeyî Gelîye seke cayê leşkerî ameye xebitnayene. Gelîya ke demêko derg şîyayîşê sivîlan qedexe bi, çend serrî veng mende. Emsar seba vîrusê korona (Kovîd-19) ke heme dinya de vila bîyo, zîyaretwanê nêeşkenê şêrê serdayîş û seyran. Gelîye bi zergûnayî nika xemilyaya.

 

Baxçeyê cenetî ke merdiman mat verdeno

 

Gelîye verê weşikîya xo nîna pawitene û wextê peyînan de seba şerê ameyê ciwîyayîş, xeylêk xisar dî. Bi germbîyayîşî hewayî dir her ca zergûn bi û merdiman mat verdeno.