WAN - Wan de hûmara kesê ke testê înan ê Vîrusê Korona pozîtîf vejîya, resaye 478 an. Heta nika vîrus vera bajar de 10 kesan cuya xo vindî kerdî û nika 18 hezar kesî zî karantîna de tepişîyenî.

 

Bajarê Wanî de heta nika 10 kesan Vîrusê Korona (Covid-19) vera cuya xo vindî kerdî û testê 478 kesan zî pozîtîf vejîya. Seba ke 2 dewam de tazîye ame ronayene çiqas şono hûmara kesê bi vîrusin zêde bena. Bajar de nika 18 hezar kesî seba pawitişî karantîna de yenî tepiştene. Wan de 5ê gulane de dewa Siyavanî ya pabesteyê qezaya Rayîrê Armûşî ya Wanî de keyeyê Eraygen û taxa Emînpaşayî ya qezaya Artemêtanî de keyeyê Gulçekî tazîye ronayî û yeno vatene ke nê keyeyî bi nimitiş tazîye ronayî. Siyavanî de hûmara weqayan vejîyaye 128 kesan û taxa Emînpaşayî de hûmara weqayan resaye 35 kesan.