AMED - TJA derheqê kampanyaya xo ya ‘Hetkarîye do ma bida cuyene’ de eşkerayî daye. TJA eşkerayîya xo de wina va: “Amacê kampanyaya ma taybetî oyo ke ma bieşkî fikir û rewşa heme hepsîyan komelî mîyan de bidî nîşandayene.” 

 

Tevgerê Cinîyanê Azadan (TJA) derheqê kampanyaya xo ya ‘Hetkarîye do ma bida cuyene’ ke seba baleantişê rewşa hepsîyan dabî destpêkerdene de eşkerayî daye. Eşkerayî buroya îrtibatê çapemenîye ya Merkezê Pêroyî yê Partîya Herêmê Demokratîkî (DBP) de ameye dayene. Hemsereka Partîya Demokratîke ya Şaran (HDP) Hulya Alokmen û temsîlkarê TUHAD-FED, MEBYA-DERî tewrê eşkerayî bîyî. Verfeka TJAye Ayşe Gokane eşkerayî wende. Ayşeye dîyar kerde ke ê timî muhîm vînenê ke bibî vengê hepsîyan û vat ke rewşa hepsîyan janê korona ra tehluke de ya.

 

‘Xeylê dewletî jan xo rê firsend vînayî’

 

Ayşe eşkerayî de daye zanayene ke senî modernîteya kapîtalîst zirar dana xoza û dorme eynî wext de Vîrusê Korona zî eynî ziraran dano û wina dewam kerde: “Vîrusê Korona seba karê modernîteya kapîtalist vejîya. Xeylê dewletî jan xo rê firsend vînayî. Vîrusê Korona hemverê hepsîyan de sey firsend xebetnenî. Hepsîyê sîyasî teberê qanûnî de ameyî veredayene û terkê mergî ameyî verdene.”

 

‘Wazenî vengê muxalîf û hepsîyan bibirnî’

 

Ayşe dewamê eşkerayîye de va: “Ganî ma kesê teberî bieşkî hepsîyan bipawî. Wazenî vengê muxalîf û hepsîyan bibirnî. Na babete meseleyêk ehlaqî û wijdanî ya. Ma umud kenî ke seba azadîya hepsîyanê muxalîf-sîyasî herkes hetkarîye bida kampanyaya ma. Hetkarîye sebebê cuye ya.” 

 

Kesê ke kampanya viraştî:

 

“Free Women’s Movement (TJA), Kurdish Women’s Movement – Europe (TJK-E), RONAK, CENÎ - Kurdish Women‘s Office for Peace, International Women’s Alliance (IWA), Women Democratic Front Pakistan (WDF), Ruba odeh Palestine, Abya Yala Feminists, National Front for Egyptian Women, Moroccan Association for Progressive Women, Revolutionary Association of the Women of Afghanistan RAWA, Collective of Support for Women Prisoners in Aragon (C.A.M.P.A.), Leyla Khaled, Janet Biehl,  Margaret Owen, Khadija Ryadi, Karima, Hafnawi, Selay Ghaffar, Weeda Ahmad, Dr. Aziz Rhali, Atika Ettaifi."