ENQERE - Roniştişê 18. ê Hemsereka Verêne ya HDPyî Fîgen Yuksekdaga ke Vîrusê Korona ra tewrê roniştişî nêbîye, ame taloqkerdene.

 

Roniştişê 18. ê doza Hemsereka Verêne ya Partîya Demokratike ya Şaran (HDP) Fîgen Yuksekdaga bi îdîayê ‘rayîrberîya rêxistine’, ‘propagandaya rêxistin’, ‘rayraşîyayîş û kombîyayîşê teberê qanûnan’, ‘texrîbkerdişê şarî yê seba kîn û dişmenîye’, ‘tehrîqê sucî’ û ‘şenikvistişê miletê tirkî, dewleta Komara Tirkîye, dezge û rêxistinê dewlete’ derheqê aye de dewa ame akerdene, 16. Mehkemaya Cezaya Giran ya Enqere de ameye vînayene.

 

Fîgen Yuksekdage Vîrusê Korona ra tewrê roniştişî nêbîye. Avukatê Fîgene Can Tombulî roniştiş de hadre bî. Avukat Canî roniştişê doze de pawitiş kerd û ard vîr ke muwekîlê ci Fîgene 3 serrî ra zêde yo ke tepişte ya û waşt ke Vîrusê Korona ra hepsî bêrî veradayene. Dozger waşt ke tepiştişê Fîgene dewam bikero. Mehkema roniştişê 18. ê Fîgene ke Vîrusê Korona ra tewrê roniştişî nêbîye de qerar da ke roniştiş taloqê 14ê temmuze bêro kerdene.