MÊRDÎN - Qeyûmê şaredarîya Şaristanê Girdî ya Mêrdînî, 18 mal û milkê şaredarîye bi rayîrê îhaleyî vet rotişî. Hemşaredara Şaristanê Girdî ya Mêrdînî Fîgen Altindage reaksîyon vera rewşa da û va, bîyê şahid ke sîstemê îhaleyî senîn vejeno meydan û va: "Bi encumenanê bêqanûnî eçînayê, wazenê qeraran vejê."

 

Seba Şaredarîya Şaristanê Girdî ya Mêrdînî 19ê Tebaxa 2019ine de, Walî Mustafa Yaman, seke qeyûm ame tayînkerdene. Qeyûm 18 mal û milkê aydê şaredarî, bi rayîrê îhaleyî vet rotiş. Îlanê keyepelê fermî yê şaredarîye de ca gêno, mal û milkê Diyarbakirkapi, Savurkapi û Yalim yê taxa Artukluyî seke erezî asayenê.

 

Hemşaredara Şarsitanê Girdî ya Mêrdînî Fîgen Altindaga ke qeyûm tayînê vera ci ame kerdene, dîyar kerde ke rotişê îhaleyî bê encumanan, bêusul ameyo kerdene. Fîgene da zanayene ke belgeyê bêusulî verê yê qeyûmî de derheqê prosesî de do senîn şoro de bi enşeyîn ê.

 

'Bêusulî vejîyabî werte'

 

Fîgene qiseykerdişê xo wina dewam kerde: "Ma nimûneyê tewr eşkera, Serekîya Daîreyê Polîtîkayanê Cinîyan de dîbi. Merkezê cinîyan yê girêdayê sazgehan, bi pereyê pîl ameybî kîrakerdene û hacetê depoyê daîreyê ke ameybî talankerdene û ma derheqê kesanê berpirsîyar de hemleyan eştib. Seba kîra bêrê betalkerdene û hacetî peyser bêrê girewtene ma hewl dabi."

 

'Erezîyan danê kesê ke teberê şaristanî de yê'

 

Fîgene da zanayene ke qeyûmî, dimayê serra 2016 de erezîyê bi erj yê şaristanî rot û va: "Nê prosesî de hîn keyeyê ke nêeşkayîne biroşê, bi pereyê kêm vetî îhale. No bêhuqûqî her wext ameyî ciwîyayîş. Hewteyo vîyarte de erezîyêke herêma organîze sanayî de hewl dayî ke biroşê kesêko Enqereyîj rê. La bi îdarekarîyê sanayî organîze dir munaqeşekerdiş ser o û îdarekarîyê organîzeyî rê dewa akerdê û vernî girewtê."

 

'Bê qanûn wazenê ke qerarê meclîsî vejê'

 

Fîgene tewr peyîn qalîkerdişê xo de dîyar kerde ke bê kombîyayîşê encumenan, îhaleyê ke yenê girewtene zelal nîyê û wina va: "Bê qanûn bi hewayêko bêhuqûq wazenê ke meclîsî de qeraran vejê. Ma seke partî dewayê xo akerd. Proses dewam keno."