MÊRDÎN - Polîso verê Ercan Uysalerî ke wextê qeyûm de Şaredarîya Şaristanê Girdî ya Mêrdînî de KENT A.Şî de seke mudur xebityayîne, fuhuş xebatkarêka cinî rê ferz kerdib. Pêwa ke Ercan Uysalerî 11 serrî û 3 mengî ceza ame birnayene zî hema nêameyo tepiştiş.

 

Seba şaredarîya DBPyî ya demê verî yê Mêrdînî Walî Mustafa Yaman seke qeyûm amebi tayînkerdene. Qeyûmî, o wext polîso bi nameyê Ercan Uysalerî kerd mudurê Kent A.Ş. û vejîyabi meydan ke Ercan Uysalerî, xebatkarêke cinîye rê fuhuş ferz kerdib û tacîz kerdib. Derheqê ey de 1in Dadgeha Cezaya Asliye ya Mêrdînî de dewa ameye akerdene û Ercan beşdarê tu roniştişî nêbi. Pêwa ke qeraro bi zor ganî bêro roniştiş zî beşdarê roniştiş nêbi.

 

9ê Çeleyê 2020 de roniştişî de 11 serrî û 3 mengî ceza Ercan Uysalerî rê ame birnayene. Pêwa ke ceza ameya birnaye zî 5 mengî yo sucdar nêameyo tepiştene.

 

‘Wa ganî bêro tepiştene’

 

Platfromê Cinîyan ê Şahmaranî ya Mêrdînî reaksîyon vera hedîse dayî û dîyar kerdî ke nêtepişyayîşê Ercan Uysalerî bi tu hewa nîno qebulkerdene. Sewbîna platformî dîyar kerd ke hema ke gumanbar zirar nêdayo cinîyêka bîn, ganî bêro tepiştene.