Domanêko Filîstinij ame qetilkerdene

  • 16:47 13 Gulane 2020
  • HEME XEBERİ
MERKEZÊ XEBERAN - Leşkeranê Îsralî başûrê Şerîaya Rojawane yo ke binê îşxalî de yo pêkewtişan de domanêko filîstînij o 15 serre kişt.
 
Goreyê eşkerayîya Wezaretê Weşîye yê Filîstînî Zaîd Kaysîayo 15 serre pê fîşekê leşkeranê Îsraîlî ame kiştene. Ame parekerdene ke wexto ke leşkerê Îsrîlî dekewtî Kampa El Fawarî ya Hebronî û waşt ke tay kesan dest bend bikerê pêkewtiş qewimîya. Goreyê Wezaretî 4 filîstînijî birîndar bîyî.
 
Rojêke verê cû zî vakurê Şerîaya Rojawanî de filîstînijan pê kerrayan leşkerêkê Îsraîlî kiştbi. Leşkeranê Îsraîlî seba ke gumandaran dest bend bikerê şewe eşt herême ser û pêkewtiş qewimîya. 
 
Çend saetan ra dima vera noqtaya leşkerî ya Kalandîye ya Îsraîlî û merkezê Şerîaya Rojawanî hêrişêk ame kerdene.