WAN - Psîkolog Gulşen Kiliçarslane derheqê weşîya psîkolojîk û bedenê domanan yê ke prosesê pandemîyî de virazîyayî ser o qisey kerde û daye zanayene ke ganî no proses de emrê domanan bêro fikirnayene û bi no hawa nizdîyê domanan bibî. Gulşene wina va: “Her çî ra ver ganî şima goş bidî domanan. Ganî bi ziwanêk asan û baş têkilî bêra ronayene. Do seba domanan wina baş bibo.”

 

Psîkolog Gulşen Kiliçarslane derheqê weşîya psîkolojîk û bedenê domanan (3-5 serrî) yê ke prosesê pandemîyî de virazîyayî ser o qisey kerde û daye zanayene ke ganî no proses de emrê domanan bêro fikirnayene û bi no hawa nizdîyê domanan bibî. Gulşene seba keyeyanê domanan zî pêşnîyaran kerde.

 

‘Doman bi kaykerdiş xo îfade kenî’

 

Gulşene ard ziwan ke ganî emrê domanan verê çiman de bêro girewtene û aye goreyê na rewşe domanan rê bêra vatene û wina va: “Ma pîlî daxî hemverê na rewşe de zehmetîyan ancenî. Doman hîna hessas î û ganî ma aye gore têbigêrî. Domanê şenikî wexto ke wazenî xo îfade bikerî muracatê kaykerdişî kenî. Doman wexto ke keweno şikan û xo baş hîs nêkeno zî wazeno kay bikero.”

 

‘Ganî ma bê ters qala hîjyen bikerî’

 

Gulşene qiseykerdişê xo yê peyênan de dîyar kerde ke domanê emrê înan mabenê 3-5î de kelûpelê teknolojîyî ra tesîr benî û na rewşe tesîrê xo dana fikirîyayîşî ser û va: “Prosesêk winasî de têkilîya domanan reyde û akerdişê hîssê înan zaf muhîm o. Herinda ke no proses înan ra bêro nimitene, ganî bi ziwanêk asan û baş înan rê bêro vatene. Her çî ra ver ganî şima goş bidî domanan. Ganî bi ziwanêk asan û baş têkilî bêra ronayene. Ganî înan rê bêro vatene ko no prosesî de nêweş nêkewî û hetê pakîye de baldar bibî. Ganî ma bi ters qala hîjyenî nêkerî. Ganî keye de domanan reyde aktîvîteyî bêrî viraştene. Sey numine wendişê kitaban, miqatekerdişê vilikan, goşdarîkerdişê muzîkî, temaşekerdişê xêzefîlman û swb.”