AMED - Komeleya MED TUHAD-FEDî bi eşkerayîyêka nuştekîye Roja Dayîkan fîraz kerde û veng da ke vengê xoverdayîşî yê dayîkan wa bêro eşnawitene. Eşkerayî de ame vatene ke ê do her şert û mercan de cayê dayîkan de ca bigêrî

 

Federasyonê Komeleyan ê Huqûqîyan û Paştdayîşî yê Keyeyanê Tepişteyan û Hukmwerdeyan ê MEDî (TUHAD-FED) çarçewa Roja Dayîkan de eşkerayîyêka nuştekîye daye. Eşkerayîye de ame parekerdene ke sey her serre emser zî dayîkan pê têkoşînê xo zulm bin kerd û dayîkî bîyî rayberê xoverdayîşî.

 

'Dadîyan rê haştî û azadî pare bikerê'

 

Eşkerayîya MED TUHAD-FEDî wina ya: “Dayîkê Aştîye, Dayîkê Laçiksipîyan û Dayîkê Şemeyî her tim rayberîya prosesan ê çetinan kerde. Ma serra 2020î Roja Dayîkan pê alozîyêke pêşwazî kerde. Bi hezaran dadîyî bîyî vengê tepişteyan. Ganî hînî vengê dayîkan bêro eşnawitene. Dadîyî azadî, haştî, demokrasî û têdûştîye wazenê. Dadîyan rê haştî û azadî dîyarî bikerê. Dadîyî pabesteyê înan ê. Ma na roje ya pêro dadîyan fîraz kenê û sozê xo dibare kenê ke ma do tim têkoşîn de hetê înan de ca bigêrê.''