AMED - Mehkemeya Berze cezaya 7 serran û 6 mengan a ke wekîla verêne ya HDPyî Selma Irmake rê dîyaye tesdîq kerde.

 

Selma Irmak pê bahaneya ke hemserekîya KCDyî, qiseykerdişanê xo û beşdarîya nawnayîşan bi îdîaya “endamîya rêxistine” ameye sûcdarkerdene û hetê mehkemaya herêmîye ra ci rê cezaya zîndanî ya 7 serran û 6 mengan dîyaye.

 

Daîreyê 16. yê Mehkemeya Berze na ceza tesdîq kerde. Heman wextî de cezaya serrêke û 18 mengan a bi îdîaya “propagandaya rêxistine” hetê Mehkemeya Cezaya Girane ya 5. ya Amedî ra dîyabî, ameye tesdîqkerdene. Mehkemeya Berze bira xo de îdîa kerd ke KCD û KCK sey ci yê. 

 

Avûkatî do na çarçewe de vera bire Mehkemeya Qanûnê Bingeyî rê  muracatê şexsîyî bikerê.

 

Eke Mehkemeya Qanûnê Bingeyî muracatê avûkatan sey heqdar nêvîna hînî KCD do sey rêxistinêka teberê qanûnan de pê bira dadgerîye bêro qebulkerdene.