ÇEWLÎG - Çewlîg de kerrayê mezelanê kesê ke operasyonan de cuya xo vindî kerdbî, ameyî şikitene. Leşkerî badê ke kerrayê mezelan şikitî keyeyan gêrayî û înan rê vatî ‘Kerrayan çin bikerêne’

 

Qezaya Azarpêtî ya Çewlîgî û mezraya Îbrahiman ya pabesteyê merkezê Çewlîgî de kerrayê mezelanê endamanê HPGyî ke verê pêrodayîşan de cuya xo vindî kerdbî, ameyî parçekerdene. Leşkerî badê ke kerrayê mezelan şikitî keyeyan gêrayî û înan rê vatî ‘Kerrayan çin bikerêne.’ Endamê keyeyê Sevda Serinyela HPGyî ke 2017î de cuya xo vindî kerdbî û dewa Karer de ameybî definkerdene, 14ê nîsane de vendîyayî qereqol. Qereqol de merdimanê Sevda Serinyele rê persê ‘Na kerra kam viraşt, şima bi pêroyî viraşt?’ persîya. Badê persan keyeyê Sevda Serinyele ra waştî ke ê kerra bişiknî. Endamê keyeyî waştişê qereqolî red kerdî û dîyarkerdî ke kerra de unsurêko sucî çin o.

 

Nuşteyo ke kerra ser de nuşte bî zî piro berdî

 

Goreyê xebera Ajansê Mezopotamya badê hedîse leşkerî kerayê mezelê Sevda Serinyele şikitî û nuşteyê ke ser de ‘Ma çiz af seba cuye merdî’ û ‘Mercan’ piro berdî. Kerra ser de tena fotograf name û paeyname, tarîxê bîyayîş û mergî ame veradayene.

 

Endam keyeyî seba ke hêrişêko diyîn nêbo serê mezelî de nobet tepişenî

 

Hêrişo diyîn zî mezraya Îbrahiman ya pabesteyê merkezê Çewlîgî ke 9 dewê elewîyan ci de esto, de virazîya. Kerayê mezelê endamanê HPGyî ameyî şikitene. Leşkerî badê ke kerrayê mezelan şikitî keyeyan gêrayî û înan rê vatî ‘Kerrayan çin bikerêne.’