Rûperîn Bekir

 

ŞEHBA - Dayîkanê Şehîdan ê Efrînî hemverê rijnayîşê goristanê şehîdan ê hetê dewleta tirkî ra yeno kerdene de vatî: “Ma hêrişanê vera goristinanê şehîdan şermezar kenê. Erdoganî bi destê xo goristananê domananê ma rijneno. Ma do bi yew dest, îşxalkerdişê dewleta tirkî welatê xo ra biqedênê.”

 

Sîstemê îqtîdaran de çinkerdişê zafrengî, bi neteweyê bîyaye yenê bi ca ardene. No zî Efrîn û Vakurê Kudistanî de zî her wext yeno kerdene. Wareyê îşxalkerdene de goristanî yenê hedefgirewtene û seba ke goristanê şehîdan yew ci ra erjê şarê Kurdî yo, her roje hêrişê îqtîdaran tewr zêde benê. Leşkerê tirkî Wan, Riha û Amedî de verê çimanê keyeyan de gorî texrîb kerdî. Girêdayê babeta rijnayîşê goristanê şehîdan, dayîkanê şehîdan êy Efrînî ke koçberê Kantonê Şehbayî bîyê, ercnayîşê xo pare kerdî.

 

‘Ma do bi yew destî îşxalkerdişê dewleta tirkî biqedênê’

 

Dayîka Şehîd Reşîd, Sûreye Hebeşe serê hedefgirewtişê goristanan de wina vana: “Îşxalkerdene dewleta tirkî bi serkêşîyê Erdoganî, gorê domananê ma xira kenê. Mîyan û esteyê domananê ma, mîyanê herra pîroz de vila bena. La dewleta tirkî goristananê domananê ma Wan, Riha, Amed û Efrînî de rijnena. Hedefgirewtişê goristanê şehîdan, tersê îqtîdaran dîyar keno. Amancê dewleta tirkî qirkerdene û çinkerdişê şarê Kurdî yo. Bi xêrakerdişê goristanan, ma sey dayîkan zaf dejenê. Waştişê ma oyo ke ma serê goranê domananê xo de gulan biçînê. Ma dayîkî vanê ke Erdogan, qetî nêeşkeno kurdan çin bikero. Ma veng danê dayîkanê Riha, Amed û Efrînî kenê vengê xo hemverê dişminan berz bikerê. Ma do qetî bibê û ma do îşxalkerdişê înan biqedênê.”

 

‘Ma soz danê ke ma do heyfê domananê xo bigîrê’

 

Dayîka Şehîd Egîd û Zîlan, Hacer Mihoye serê kerdişanê dewleta tirkî de qisey kerde û va: “Ma hêrişê serê goristananê şehîdan şermezar kenê. Îşxalkerdişê dewleta tirkî ra êdî bes o. Her roje dewleta tirkî û çeteyê ci serê şarê Kurdî de kerdişanê xo dewam kena. Hêrişê goristanê domananê ma kena û esteyê înan çin kena. Efrîn de zî cayê goristanê şehîdan kerdê cayê heywanan. No nêzdîbîyayîşê bê însanetî yo û ma şermezar kenê, bêveng nêmanenê. Ma sey dayîkê şehîdan soz danê ke ma do heyfê domananê xo bigîrê.”