MERKEZÊ XEBERAN - Pêroyê dinya de hûmara kesê ke Vîrusê Korona (Covid-19) ra merdî 211 hezar kesî derbaz kerde û 3 mîlyon kesî zî bi vîrus kewtî.

 

Her ke şona hûmara kesê ke Vîrusê Korona (Covid-19) ra mirenî zêde bena. Goreyê dayeyanê peynî, heta nika pêroyê rîyê dinya de hûmara kesê ke Vîrusê Korona (Covid-19) ra merdî bîye 211 hezar û 663 kesî derbaz kerde.

 

Heto bîn de hûmara kesê ke bi vîrus kewtî zî bîye 3 mîlyon û 65 hezar û 871. Pêroyê dinya de heta nika 923 hezar û 259 kesê ke bi vîrus kewtbî zî weş bîyî.

 

Heta nika tewr zêde Amerîka de mergî virazîyayî. Amerîka DE Heta nika 56 hezar û 803 kesî Vîrusê Korona ra cuya xo vindî kerdî. Yew mîlyon û 10 hezar û 507 kesî zî bi janê vîrusî kewtî.

 

Îtalya de 26 hezar û 977 kesî vîrus ra merdî û 199 hezar û 414 kesan de zî vîrus ame tespîtkerdene.

 

Spanya de heta nika 23 hezar û 521 kesî vîrus ra merdî û 229 hezar û 422 zî vîrus ame tespîtkerdene.

 

Tirkîya de hûmara kesê ke vîrus ra mirenî roj bir roje zêde bena. Goreyê dayeyanê fermî heta nika 2 hezar û 900 kesî vîrus ra merdî û 112 hezar û 261 kesan de zî vîrus ame tespîtkerdene.