ehrîban Abî

 

AGIRÎ - Hemşaredara Bazidî Yildiz Acara HDPyije dîyar kerde ke vera vîrusî bê mabên têkoşîn kenê û va: "Xeylêk wareyê qeza de xebatê dezenfekte yenê kerdene. La seba butçeyêk baş çin o, waştişê keyeyan nêeşkenê bi ca bîyarê."

 

10ê Adare ra heta nika ke vîrusê korona vejîya, xeylêk şaredarî bi îmkananê xo xebatanê dezenfekte kenê û semedê keyeyê ke hewcedarê înan rê benê hetkra. Nê prosesî de 8 şaredarîyanê HDPyî rê qeyûm ame tayînkerdene. Şaredarîyê HDPyî nê prosesî de zî bi hewldayîşê xo xizmet dayî şarî. Yew înan ra zî HDPyî Bazidî yo.

 

'Pêro wareyî yenê dezenfektekerdene'

 

Hemşaredara Bazidî ya HDPyî Yildiz Acare da zanayene ke lezabez masaya krîzî awan kerdê û vat: "Ma xeta îxbarî yê 153 awan kerd û wezîfedarkerdene kerd. Ma îxbarê ke yenê ercnenê. Ma pêro tedbîrî girewtî. Bi taybet wesayîtan, cayê komî, park, teqsî, kuçe û sazgehî ameyî dermankerdene. Goristanî ameyî qedexekerdene."

 

'Pêwa butçeyêko kêm ma xebityenê'

 

Yildize arde ziwan ke şarê Agirî, xeylêk rewşa înan ê ekonomîye baş nîya û hetê ekonomî de şar mexdur beno û wina vat: "Vîrusî ra şarî dikananê xo padayî. Mexdûrîyet nê ser o tewr giran bi. Merdimî nêeşkenê nan berê keyeyanê xo. Waştişê tewr pîl ê şarî xida û hacetê pakitî berê keyeyê xo. Eynî wextî de wazenê ke keye û kuçeyî bêrê dermankerdene. La seba butçeyê ma qîm nêkeno, ma nêeşkenê bibê cewab zî."

 

'Ma neql kenê' 

 

Yildize tewr peyîn dîyar kerde ke, wareyê ciwîyayîşî ê komî de xebatê dezenfekte û hîjyenî bêmabên dewam kenê û vat: "Ma cayê qelebalix dezenfektane bi ca kenê û bîlbordan de zî xebatê neqlkerdişê 14 madeyan kenê. Kuçeyê pîlî her wext yenê dezenfektekerdene. Marketan de kontrolê hîjyen, gramaj û vayîye yenê kerdene. Reyna ma broşuran vila kenê."