ENQERE - TTB derheqê rewşa xebatkaranê weşîye de eşkerayîyêke da û dîyar kerd ke 1ê nîsane ra nata 24 xebatkarê weşîye Vîrusê Korona ra cuya xo vindî kerdî û veng da hukmatî ke tedbîran bigîro.

 

Konseya Merkezî ya Yewîya Tabîbanê Tirkî (TTB) derheqê rewşa xebatkaranê weşîye de eşkerayîyêke da. TTB eşkerayîya xo de dîyar kerd ke 1ê nîsane ra nata 24 xebatkarê weşîye Vîrusê Korona (Covid-19) ra cuya xo vindî kerdî û 3 hezar û 474 xebatkaranê weşîye de vîrus ame tespîtkerdene.

 

TTB eşkerayîye de veng da hukmatî ke tedbîran bigîro û wina va: “Nameyê bajaranê ke tewr zêde xebatkaranê weşîye bi vîrusî kewtî wina yo; Stenbol, Anqara, Kirklarelî, Îzmîr û Edene. Tena Stenbol de 960 doktor û pêropîya zî 2 hezar û 5 xebatkarê weşîye bi vîrus kewtî. Amed de 12 xebatkarê weşîye, Kirklarelî de 11, Antalya de 11, Bursa de 10 û 9 Samsûn de zî 9 xebatkarê weşîye bi janê Vîrusê Korona kewtî.”