MÊRDÎN - Waya hepsîyê bi nameyê Serhat Bulutî ke zîndanê Hîlwanî de yo, Hayam Bulute bale ante serê şert û mercê hepsîyan û vat: "Wazenê hepsîyan terkê mergê bikerê. Xora bi 3in paketa hukmî zî îspat kerdî. Yewin waştişê keyeyan oyo ke semedê hepsîyê sîyasîyan zî çîyêk bikerê."

 

Semedê vîrusê korona vila bîyo, semedê hepsîyan endîşe pîl benê. Bi eşkerayîye wezaretê dade ke ame vatene ke 3 hepsî, vîrusî ra cuya xo vindî kerdî, reyna bale her kesî serê zîndanan de yo. Yew zîndanan ra zîndanê Tîpê T yê Hûmara 2yê Hîlwanî yo.

 

Dimayê ke rayaumumî de veng da, ame dîyar kerdene ke îdarekarê zîndanî, hepsîyê nêweşan benê nêweşxaneyan û her çiqas bêro vatene testê koronayî negatîf vejîyayo zî hema hepsîyan nêberdê nêweşxaneyan û no zî endîşe virazneno.

 

Hepsîyo bi nameyê Serhat Bulut zî zîndanê Tîpê T yê Hûmara 2yê Hîlwanî de maneno. Waye ci Hayam Bulute rewşa hepsîyan va.

 

Hepsî bi gumanê vîrusî wedarnayî nêweşxane, la teşîsê 'nêweşîya gurçikan' dayî ro

 

Hayame dîyar kerde ke endîşeyê ci zêde yê û va: "Hewteyê vîyarte, ma bi telefon birayê mi dir qisey kerd. Birayê mi va, 'Koxuşê B-2 de bi 6 embazanê ma dir nîşaneyê vîrusî ame vînayene. Îdarekarî çîyêk nêkerd. Mudurê zîndanê va, 'çîyêk normal o' mudaxale nêkerd. Dimayê nê ma dest bi têkoşîn kerd. Ma muracatê ÎHDyî kerd. Ma bi parlamenteran dir pêvînayîş kerd. Çapemenî de zî ca girewt. Nê ser o hepsîyêk benê nêweşxane. 3 rey test kenê. Test negatîf vejîyeno. Teşîsê nêweşîya gurçikan danê. Ma nêzanê no çiqas rast o. Semedo ke hema embazêko înan bîn zî nêberdê koxuş."

 

'Semedê hepsîyê sîyasî tu çîyêk nêame kerdene'

 

Hayame va ke tena bi telefonî birayê xo zanayîş dayî û wina va: "Serhatî va, derheqê vîrusî de tu tedbîr nîno girewtene. Va, 'tena wexto ke vejîyenê teber, dezenfektan kenê destê xo û xêrcê nê koxuşan de tu dezenfekte nîno kerdene. Eynî wextî de awa germ nêdanê. Koxuşan de serê kapasîteyan de hepsî estê. Şertê zîndanan werte de yê. Ma tebera nêeşkenê xo bipawê. Gelo do ê senîn bikerê. Ma xeylêk bi endîşeyîn ê. Xeylêk hepsîyê nêweş estê. Hepsîyê sîyasî terkê mergî kenê. Na zî pakete de ame îspatkerdene."

 

'Ma rewşa hepsîyê sîyasîyan ra bi endîşeyîn ê'

 

Hayame dewam de wina va: "Bi pêroyî werdê germ, hepsîyê sîyasî edlî viraştêne. Nika tena konserveyan danê hepsîyê sîyasîyan. Serrêke verê hepsîyê sîyasî, kewtibî grevê vêşanîye. Embazê nêweşî estê. Nê şert û mercan de rîskê nêweşîye zaf zêde yo. Ma xeylêk bi endîşeyîn ê."

 

'Yewin çîyê ke destê ma ra yeno ma bibê vengê înan'

 

Hayame tewr peyîn wina va: "Vera hepsîyê sîyasî bêtêduştî însanî nîya. Tu cayêk dinya de rewşêka winasî çin a. Xeylêk keyeyî domananê xo ra dûrî yê. Ma şertê normalan de nêeşkenê hepsîyanê xo bivînê. Nika ma tena bi telefon eşkenê înan ra zanayîş bigîrê. Gelo no çiqas rast o? Ez Stenbol de ya, o zî Riha de yo. Xeylêk keyeyî hetê ekonomî de probleman ciwîyenê. Nika ma zanayîş ci ra nêgînê. No zî ma keno endîşeyan. Ma gerek bibê venngê înan. Çi destê ma ra bêro ma do bikerê."