STENBOL - Cenazeya Agît Îpekî ke Dêrsîm de pêrodayîşêk de cuya xo vindî kerdib, bi posta keyeyê ci rê amebê şirawitene. Endama DÎKî Huda Kaya derheqê babete de qisey kerde û vat: “Welatê ma şahidîyê xeylêk xirabîyan kerd. Çîyêko cinîyan rê ameyî kerdene, cenazeyî bi erd dir ameyî kaşkerdene, merdimî ameyî veşnayene. Kal û pîr… Çîyêko cenazeya Agît Îpekî rê ameye kerdene, dewamê nêbaşîyê xirabî yo.”

 

Dêrsîm de 23ê Gulana 2017ine de Agît Îpeko HPGyij, pêrodayîşêk vejîyabi de cuya xo vindî kerdib. Cenazeya Agîtî rojê vîyarte de kolîyêk de bi Posta, seba dayîka ey Halîse Aksoye ameye şirawitene. Dayîka Agitî, çîyê ke cuya ajansê ma rê qalî kerd.

 

Endama Kongreya Îslamî ya Demokratîkî (DÎK) û parlamentera HDPyî ya Stenbolî Huda Kaya, çîyê ke ameyê ciwîyayîş ercna û vat, ne ehlaqî û ne zî huqûqî yo.

 

‘Çîyê ke yenê ciwîyayîş dewamê xirabîyan o’

 

Hudaye dîyar kerde ke însanan seranserê tarîxî de şahidîyê xeylêk xirabîyan kerdo û vat: “Xirabîyê ke ameyê ciwîyayîş, yew bi yew vatişê înan mumkin nîyo. Her kes zano xora. Çîyêk bi cinîyan yenê kerdene, cenazeyê ke erd ra yenê kaşkerdene, însanê ke yenê veşnayene. Zulmo ke însanan rê yeno kerdene, hesabê ci êdî nîno kerdene. Bi kargoryêk ke kolî de cenazeya domanî şirawenê dayîke rê. No zî ramojneno ke sînor û vatişê nê xirabî çin o. Çi heyf, ma vînenê ke îqtîdar wayîrê zîhnîyetêko ke xirabîyan rêxistin keno.”

 

‘Ez nêeşkena sînorê nê xirabî qalî bikerî’

 

Huda, dîyar kerde ke babete hetê parlamenteranê HDPyî ra meclîs de ameya qalîkerdene, la cepheyê îqtîdarî bi ziwanê nefretî xo pawito û vat: “Vera rewşa Agît Îpekî îfadeyê wina bêperwa ameyî xebitnayene; coka ez nêeşkena bê sînorxirabîyê û bêpeynî, qalî bikerî. Nimûneyê ci xeylêk zêde yê. Her yew parçeyêk nê zîhnîyetî yo.”