MÊRDÎN - Semedê tehdîdê vîrusê korona (Covîd-19), seba keyeyê ke keyeyê xo de manenê kampanyaya ‘keyeyê waye û birayî' amebî destpêkerdene û dewam kena. Mêrdîn de na babete ser o de xebate bêmabên dewam kena û heta nika 2 hezar û 500 keyeyî ameyî tespîtkerdene û seba 200 keyayan zî, keyeyê waye û birayî ameyî vînayene.

 

Kampanayaya ‘Keyeyê waye û birayî' ya HDPyî bi amancê piştdayîşê welatîyê ke vîrusî ra keyeyê xo de manenê, dabî destpêkerdene dewam kena. Mêrdîn de seba kampanya, qezayan de komîsyon ame awankerdene û çarçewaya kampanya de heta nika 2 hezar û 500 keyeyî ameyî testpîtkerdene û semedê 200 keyeyî zî, keyeyê waye û birayî ameyî vînayene. HDPyî Mêrdînî çarçewaya kampanya ke dewam kena de veng da ke piştdayîş bêro girskerdene.

 

200 keyeyî ameyî vînayene

 

Ame zanayene ke heta nika 2 hezar û 500 keyeyê wayîrê hewceyê, ameyê tespîtkerdene û çarçewaya kampanya de qezayan de komîsyon ameyê awankerdene. Semedê keyeyê ke rewşa înan ekonomîye baş nîya, hetkarîya keyeyê waye û birayî piştdayîş bidê û rêxistinê HDPyî yê merkez û qezayan heta nika 200 keyeyê waye û birayî ameyî tespîtkerdene. Verê nê de xebatkarê partîye, pêwa tehdîdê vîrusî xebatanê xo dewam kenê.

 

'Ma bi ruhê piştdayîşî seba kampanya bibê destek'

 

Îdarekara HDPyî ya Mêrdînî Munevver Ulkere semedê kampanya ke dewam kena veng da û vat: "Bêrê ma pîya dest bidê yewbînan û ma nê keyan rê bibê hetkar. Bêrê ma pîya piştdayîş bidê. Ma bi ruhê piştdayîşî, ma verê keyeyanê xo de bê. Ma heta nika xo resna 2 hezarî keyeyan. Na nuqta de xebatê ma dewam kenê. Çi destê ma ra bêro, ma do bikerê. Şima zî seba piştdayîşê şarê xo, piştdayîşê xo bidê kampanya."