WAN - Pêameyê KESKî yê Wanî, çarçewaya têkoşînê vera vîrusê korona de ‘xeta piştdayîşî’ awan kerdî. Hemsereka Egîtîm Senî ya Wanî Hulya Atliye dîyar kerde ke do wareyê psîkolojîk, perwerde û perwerdeyê taybet de piştdayîş bidê û vat: "Piştdayîş bi hawayêko onlîne, hetê kesanê pisporan ra do bi hawayêko zerrîwaşte bêro dayene."

 

Pêameyê KESKî yê Wanî, çarçewaya vîrusî de bi amancê piştdayîşê şarî de ‘xeta piştdayîşî' awan kerdî. Xete hetê Sendîkayê Kedkaranê Perwerdeyî (Egîtîm Sen) û Sendîkayê Kedkaranê Xizmetê Weşîye û Komelî (SES) yê Wanî ra ame awankerdene û kesê ke pisporê do piştdayîşê perwerde û psîkolojîk bidê.

 

'Beşêke cidî perwerdeyê dûrî ra feyde nêgîno'

 

Hemsereka Egîtîm Senî ya Wanî Hulya Atliye vat, ercnayîşê psîkolojîk, mamosteyê rehberî û mamosteyê perwerdeyê taybet, do bi zerrîweşte bixebityê û vat: "Keyeyê ke wayîrê îmkananê, domanê înan feyde gênê. La beşêko pîl keyeyan wayîrê îmkanan nîyê. Ma seke pêameyîşê KESKî xeta piştdayîşî awan kerd. Xete hema newe ya. Belî nîyo ke do proses çiqas dewam bikero. Her ke derg bibo, do problemî zî zêde bê."

 

'Serê waştişê pîlan do piştdayîşê psîkolojîk bêrê dayene'

 

Hulya wina dîyar kerde: "Psîkologê endamê SESî vatî, do proses de piştdayîş bidê. Serê waştişê pîlan, eşkenê piştdayîşê psîkolojî bidê. Derheqê pîlan de xebatî çin ê. Na ra do serê onlîne de piştdayîş bêro dayene. Bi têkilîyê telefon, Whatsapp yan zî sey onlîne ameyê plankerdene. Îmkanê pêvînayîşê rî bi rî çin ê. Nê şertan de mumkin nîyo ke rî bi rî pêvînayîş bêro kerdene."

 

'Hewcedarîyê domananê taybet vuryeno'

 

Hulyaye dewamê qiseykerdişê xo de arde ziwan ke, hewcedarîyê domananê taybet zî vuryenê û vat: "Nê ra BEP (Bernameyê Perwerdeyê Şexsî) yeno kerdene. Çarçewaya perwerdeyê taybet zaf hîra yo. Semedê domananê taybet, bernameyê şexsî û xebate yenê kerdene. Beno ke nê prosesî de waştişî bibê."

 

Hulyaye tewr peyîn qiseykerdişê xo de da zanayene ke prosesê têkoşînê vera vîrusî de seba ke kes bi hawayêko negatîf tesîr nêbo, ganî çimeyê ke rastê bêrê taqîbkerdene û vat, nê prosesî de bêşik aktîvîteyê ke semedê merdiman baş ê ganî bêrê kerdene. Hulyaye eynî wextî de vat, kesê ke wazenê xo biresnê înan, serê hûmara telefonî û e-maîlo îlankerde de xo biresnê înan.