AMED - Goreyê doneyanê Mudirîya Weşîye ya Amedî ke derheqê Vîrusê Korona de zanayîş pare nêkena Amed de 8 kesî vîrusî ra merdî û 213 kesî pê vîrusî kewtî.

 

Destpêkerdişê vilabîyayîşê Vîrusê Korona ra nata dezgeh û wezaretê dewlete tirke doneyê şaristanan pare nêkerdêne. Amed de tay rêxistinê weşîye pare kerdêne ke 19 kesî vîrusî ra merdê. Platformê Weşîye yê Amedî zî da zanayene ke şaristan de 200 kesî pê vîrusî kewtî û 300 nêweşê şikdarî estê.

 

Kapasîteyê nêweşxaneyan do qîm nêkero

 

Xebatkarê weşîye dîyar kerdî ke tehlukeyê Vîrusê Koronayî her ke şono zêde beno û vatî, tedbîr nêameyê girewtene. Kapasîteyê nêweşxaneyan beno ke ser bikewo. Eynî wextî de ame vatene ke hûmara testan kêmî yo û wareyê hûmare de endîşe esto.

 

Dayeyê ke yenê dayene raşt nîyê

 

Xebatkarê weşîye dîyar kerdî ke ganî bawerî bi dayeyê ke yenê eşkerakerdene nêro û vatî: “No netîce ramojneno ke proses baş nêşêno. Nika kaosêk serdest o. No vîrus tena serê xo nêkişeno, bi nêweşî înan dir esta, nêweşî ro înan giran bena.