MELETÎ - Sîyasetmedarê Kurdî Gultan Kişanak û Sebahat Tuncele yê ke 4 serrî yo hepsîyê, 4in roniştişê 5in Dadgeha Cezaya Giran ya Meletî de reyna nêameyî tehlîyekerdene.

 

Derheqê Hemsereka Şaredarîya Bajarê Gird ya Amedî ya verê Gultan Kişanake û Hemsereka Pêroyî ya Partîya Herêmê Demokratîkî (DBP) Sebahat Tuncele de cezayê zîndanî amebî dayene û na ceza Dadgeha Edlîyeya Herême ya Dîlokî de amebî betalkerdene. Ê do 4in roniştişê dewaya neweye de dest pêkerd, 5in Dadgeha Cezaya Giran ya Meletî de biameyne vînayene, la semedê Vîrusê Koronayî roniştiş nêame kerdene û heyetî serê cigêrayîşê dosya ser o qerar da.

 

Avûkatanê Gulten û Sebahate ke bi îdiayê "Propagandaya rêxistine" yenê muhakemekerdene ser o vatî, ê wazenê muwekîlê înan ke 26ê teşrîna verêne 2016 ra heta nika yenê muhakemekerdene, serbest bêrê veradayene. Waştişê tehlîye, hetê heyetî ra ame redkerdene.

 

Heyetê derbazdarî, roniştiş taloqê 29ê Gulana 2020 kerd.